قوعام • 14 قىركۇيەك، 2020

الەۋمەتتىك جەلىنىڭ الەگى

23 رەت كورسەتىلدى

بۇگىندە ادامزات بالاسىنىڭ تۇرمىس-تىرشىلىگىن، ءومىر ءسۇرۋ بارىسىن ينتەرنەتسىز ەلەستەتۋ قيىن. ەلەكتر قۋاتى قانشالىقتى ماڭىزدى بولسا، عالامتور جەلىسى دە سودان ءبىر ەلى كەم ەمەس ماڭىزعا اينالدى. اسىرەسە، الەمدى پاندەميا جايلاپ، جۇمىس، وقۋ بارىسى ونلاين رەجىمگە اۋىسقاندا ينتەرنەتسىز جۇمىسىمىز جۇرمەي، قولىمىز بايلاناتىن بولىپ بارادى. الايدا تاياقتىڭ ەكى ۇشى بارىن دا ۇمىتپاعان ءجون. بۇل شەكاراسى جوق شەكسىزدىكتىڭ يگىلىگىمەن قاتار وزىندىك زيانى دا بار. سونىڭ ىشىندە كامەلەتتىك جاسقا تولماعان بالالارعا كەرى اسەر تيگىزەتىن كەزدەر جيىلەپ كەتتى.

ىشكى ىستەر مينيسترلىگى دە وسىعان الاڭداپ وتىر. سەبەبى ينتەرنەتتەگى قۇقىققا قارسى كونتەنتتىڭ بالالار مەن جاسوسپىرىمدەرگە تەرىس اسەر ەتىپ جاتقانىن ەڭ الدىمەن وسى ۆەدومستۆونىڭ ماماندارى بىلەدى. سوندىقتان، ينتەرنەت ءومىردىڭ بارلىق سالالارىنا ەنىپ، مەملەكەتتىك جانە جەكە قىزمەتتەر ونلاين رەجىمگە اۋىسىپ جاتقان كەزدە جاھاندىق جەلىنىڭ قۇقىققا قايشى تۇستارىن ۇمىتپاعان دۇرىس بولار ەدى.

ماسەلەن، جۇزىقارالار ءانونيمدى ينتەرنەت-سەرفينگ مۇمكىندىكتەرىن پاي­دالانادى. سەبەبى، جەكە پاراقشا­لارىن قۇرۋ كەزىندە وزدەرىنىڭ شىنايى ساۋالنامالىق دەرەكتەرىن كورسەتۋدىڭ قاجەتى جوق. مۇنداي بەت-ءجۇزىن، شىنايى اتى-ءجونىن جاسىرعان ادامدار ەڭ الدىمەن بالالاردىڭ ينتەرنەتتى باقىلاۋسىز پايدالانۋى كەزىندە ەرەكشە الاڭداۋشىلىق تۋدىرادى.

– جەلىدە پايدالى كونتەنت قانا ەمەس، سونىمەن قاتار بالالارعا، ولار­دىڭ دەنساۋلىعى مەن پسيحيكالىق دامۋىنا تەرىس اسەر ەتەتىن اقپارات كەزدەسەدى. اتا-انالار تاراپىنان وت­باسىلاردا جانە جاقىن ورتادا با­قىلاۋدىڭ بولماۋى سالدارىنان بالالار ءتۇرلى جايسىزدىققا ۇرىنادى. ينتەرنەتكە ولاردىڭ قاداعالاۋىنسىز كىرگەن بالالار زورلىق-زومبىلىق پەن پورنوگرافيا ناسيحاتتارىن قاراۋى دا ىقتيمال. مۇنداي جاعدايلاردا بالا تەك قاراپ قانا قويماي، زورلىق-زومبىلىقتىڭ قۇربانى دا بولىپ جاتادى. نەمەسە وزدەرى قىلمىس جا­ساۋىنا يتەرمەلەيدى، – دەيدى كريمي­نالدىق پوليتسيا دەپارتامەنتى كي­بەر­قىلمىسپەن كۇرەس ورتالىعى باس­تىعىنىڭ ورىنباسارى رۇستەم دۇي­سەتاەۆ.

ماسەلەن، وسى ورتالىقتىڭ مامان­دارى ينتەرنەت جەلىسىنە مونيتورينگ جۇرگىزۋ كەزىندە «ۆكونتاكتە» الەۋمەتتىك جەلىسىندە پورنوگرافيالىق فوتو جانە بەينەماتەريالداردىڭ تا­رالۋ فاكتىسىن انىقتادى. ىشكى ىس­تەر مينيسترلىگىنىڭ قىزمەتكەرلەرى قىزىل­وردالىق ارىپتەستەرىمەن بىرلەسىپ، وسى ءوڭىردىڭ 15 جاستاعى تۇرعىنىن قۇ­رىقتادى. ءتارتىپ ساقشىلارى تەكسەرۋ جۇرگىزىپ، سونىڭ بارىسىندا پورنوگرافيا بەينەلەرىن ساتۋ فاكتىسىن انىقتادى. قامقورشىسىنىڭ جانە بالالار پسيحولوگىنىڭ قاتىسۋىمەن سۇراق الىنعان كەزدە كۇدىكتى جىل باسىنان بەرى الەۋمەتتىك جەلىلەردە پورنوگرافياعا ينتەرنەت-سىلتەمەلەر ساتىپ الىپ، ولاردى قىمبات باعامەن ساتقانىن مويىندادى. بۇگىندە وسى ءىس بويىنشا سوتقا دەيىنگى تەرگەۋ امالدارى جۇرگىزىلۋدە. ءتيىستى ساراپتامالار تاعايىندالدى.

سونىمەن قاتار بيىلعى ماۋسىم ايىندا اقتاۋ قالاسىندا 35 جاستاعى ەر ادام ۇستالدى. ول «ۆكونتاكتە» الەۋ­مەتتىك جەلىسىندە 13 جاستاعى قىز­بەن حات الماسىپ، وعان ينتيمدىك سي­پاتتاعى سۋرەتتەرىن جىبەرۋگە ماج­بۇرلەپتى.  حات الماسۋ كەزىندە كۇدىكتى كامەلەتكە تولماعان بالانى جالاڭاش فوتوسۋرەتتەرىن جىبەرۋگە كوندىرىپ، قوسىمشا فوتوسۋرەتتەر جىبەرمەسە ونى الەۋمەتتىك جەلىلەر ارقىلى بولىسەمىن دەپ قورقىتقان كورىنەدى. بۇل ازامات كامەلەتكە تولماعانداردى ازعىرعانى جانە پورنوگرافيانى تاراتقانى ءۇشىن قىلمىستىق جاۋاپكەرشىلىككە تار­تىلدى.

سوندىقتان، اتالعان ۆەدومستۆو اتا-انالاردى بالالارىن ينتەرنەت جەلىسىندە قىزىقتىراتىن دۇنيەلەردى مۇقيات زەردەلەپ، كامەلەتتىك جاس­قا تولماعانداردىڭ تەلەفوندارىن­دا زاڭمەن تىيىم سالىنعان ماتە­ريالداردىڭ بار-جوعىن تەكسەرۋگە شاقىرىپ وتىر.

 

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

ۇقساس جاڭالىقتار