جالپى وبلىس بويىنشا تىركەلگەن 8 416 اتىس قارۋىنىڭ 3 233-ءى تۇرعىلىقتى جەرى بويىنشا تەكسەرىلدى. جەدەل الدىن الۋ ءىس-شاراسىن وتكىزۋدىڭ 10 كۇنى ىشىندە 165 اكىمشىلىك قۇقىق بۇزۋشىلىق انىقتالدى, ونىڭ ىشىندە قارۋدى زاڭسىز ساقتاعانى ۇشىن – جەتى, قارۋدى ساقتاۋ جانە الىپ جۇرۋ ەرەجەلەرىن بۇزعانى ءۇشىن – 115 جانە قارۋدى قايتا تىركەۋدى بۇزعانى ءۇشىن – 43 دەرەك انىقتالدى.
زاڭسىز قارۋ اينالىمىنان بارلىعى جەتى دانا تەگىس ۇڭعىلى قارۋ, سونداي-اق ۇش دانا ەلەكتروشوكەر تاركىلەندى. بارلىعى 25 دانا سۋىق قارۋ تاركىلەندى. مىسالى, 3 قىركۇيەك كۇنى قر-دان رف-عا ءوتۋ كەزىندە 36 جاستاعى قىرعىزستان رەسپۋبليكاسى ازاماتىنىڭ باسقارۋىنداعى “مەرسەدەس بەنتس” اۆتوكولىگىن تەكسەرۋ كەزىندە ءۇي زاتتارىنىڭ استىنداعى جول سومكەسىنەن ەكى دانا ەلەكتروشوكەر تابىلدى.
سونداي-اق 9 قىركۇيەكتە وپىتنىي كەنتىنىڭ 44 جاستاعى تۇرعىنىنىڭ سارايىنان 16 كاليبرلى قوس تەگىس ۇڭعىلى اڭشى مىلتىعىنىڭ كەسكىنى تابىلدى. وقيعا ورنىنان توز-53 16 كاليبرلى اڭشى مىلتىعى تاركىلەندى. ساراپتاما تاعايىندالدى. تەرگەۋ امالدارى جۇرگىزىلۋدە. اقتوبە وبلىسى پوليتسيا دەپارتامەنتى زاڭسىز ساقتالعان قارۋدى نەمەسە وق-ءدارىنى ءوز ەركىمەن تاپسىرعان ادامدار قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالادى.
