ايماقتار • 11 قىركۇيەك، 2020

الماتىدا تۇماۋعا قارسى ەگۋ باستالدى

22 رەت كورسەتىلدى

الدىن الا بەلگىلى بولعانداي، 10 قىركۇيەكتە الماتى ەمحانالارى جىل سايىنعى تۇماۋعا قارسى ۆاكتسيناتسيا ناۋقانىن باستادى، دەپ حابارلايدى Egemen.kz

400 مىڭنان استام الماتىلىققا تۇماۋعا قارسى ەكپەنى اقىسىز الۋعا بولادى. ولاردىڭ ىشىندە 65 جاستان اسقان ادامدار سانى – 264 مىڭ، سوزىلمالى اۋرۋى بار تۇرعىندار – 125 مىڭ، 22 مىڭ بالا، 9 مىڭ مەديتسينا قىزمەتكەرى، 7 مىڭنان استام جۇكتى ايەلدەر. ۆاكتسيناتسيا 15 قاراشادا اياقتالادى، وسى ۋاقىت ارالىعىندا الماتىلىقتار ەمحاناعا وزدەرىنىڭ ۋچاسكەلىك دارىگەرىنە بارىپ، الدىن الا جازىلۋ ارقىلى ۆاكتسيناتسيا الا الادى. ۋچاسكەلىك مەدبيكەلەر تاۋەكەل توبىنداعى تۇرعىندارعا تەلەفون ارقىلى حابارلاسىپ، شاقىرادى.

"ۆاكتسيناتسيا الدىنداعى ۋچاسكەلىك دارىگەردىڭ مىندەتى – كەلگەن تۇرعىننىڭ دەنساۋلىعىنىڭ جاي-كۇيىن، رەسپيراتورلىق اۋرۋدىڭ بەلگىلەرىن جانە COVID-19 ۆيرۋسىمەن اۋىرعان ناۋقاسپەن بايلانىسىبولعانىن نەمەسە بولماعانىن، دەنە قىزۋىنىڭ قالىپتى بولۋىن ءاردايىم تەكسەرىپ وتىرادى. 10 قىركۇيەكتە ۆاكتسينالاۋ 185 ادامعا جاسالدى، ونىڭ ىشىندە 60 جاستان اسقان قارت ادامدار سانى – 40، 100 مەديتسينا قىزمەتكەرىنە، 25-ءى سوزىلمالى اۋرۋلارى بار بالالار مەن 20-ى سوزىلمالى اۋرۋلارى بار ەرەسەكتەر. ءبىرىنشى كۇنى مەديتسينا قىزمەتكەرلەرىن ۆاكتسيناتسيامەن قامتۋعا تىرىستىق"، دەيدى №11 قالالىق ەمحانانىڭ دارىگەر-ەپيدەميولوگى كامار قايراتبەك.

تۇماۋعا قارسى ۆاكتسينا اۋرۋعا قارسى يممۋنيتەتتى قالىپتاستىرۋعا جانە اسقىنۋلاردىڭ الدىن الۋعا ارنالعان. تۇماۋعا قارسى ۆاكتسيناتسيادان كەيىن دارىگەرلەر ستاندارتتى ساقتىق شارالارىن ساقتاۋعا كەڭەس بەرەدى: ينە سالعان ورىندى جاراقاتتاپ الماۋعا، ۇيقى رەجىمىن ساقتاۋعا، اللەرگيالىق رەاكتسيا تۋدىرۋى مۇمكىن تاعامداردى پايدالانۋعا بولمايدى.

"ۆاكتسينا جەتكىلىكتى مولشەردە ساتىپ الىندى، ۋچاسكەلىك مەدبيكەلەر كەستەگە سايكەس ەگۋگە شاقىرادى. ۆاكتسيناتسيا باستالعانعا دەيىن ەپيدەميولوگيالىق قىزمەتى ەمحانانىڭ ۋچاسكەلىك قىزمەتىمەن بىرلەسىپ، اقىسىز ۆاكتسيناتسيا جاساۋ ءۇشىن تاۋەكەل توبىنىڭ ءتىزىمىن جاسادى: سوزىلمالى اۋرۋلارى بار بالالار سانى – 833، سوزىلمالى اۋرۋلارى بار ەرەسەكتەر–1999، مەديتسينا قىزمەتكەرلەرى – 332، جۇكتى ايەلدەر – 152، جابىق تيپتەگى مەكەمەلەردىڭ مەديتسينالىق قىزمەتكەرلەرى  (بالالار ءۇيى، مەكتەپ ينتەرناتى، بالالارعا/مۇگەدەكتەرگە ارنالعان مەكتەپ-ينتەرناتتارى) – 11 ادام، قارتتار مەن مۇگەدەكتەر ۇيلەرىنىڭ كونتينگەنتى – 60 جاستان اسقان قارتتار 2012"، دەيدى №11 قالالىق ەمحانانىڭ دارىگەر-ەپيدەميولوگى كامار قايراتبەك.

تۇماۋ ۆيرۋسى ۇزدىكسىز گەنەتيكالىق جانە انتيگەندىك وزگەرىستەرگە ۇشىرايتىندىقتان، ددۇ جىلىنا ەكى رەت ۆاكتسينانىڭ قۇرامى تۋرالى ۇسىنىستارىن جاڭارتادى. بۇل ۆاكتسينا الداعى ماۋسىمدا بولجام بويىنشا، تسيركۋلياتسيالىق ۆيرۋستار نەعۇرلىم جوعارى دارەجەدە سايكەس كەلۋى قوسىلىس ۆيرۋستارعا كىرەدى. ددۇ كەلەسى كومپونەنتتەرى بار كۆادريۆالەنتتى ۆاكتسينالاردى قولدانۋدى ۇسىندى: A/Guangdong-Maonan/SWL1536/2019 (H1N1) pdm09 ۇقساس ۆيرۋستار; A/Hong Kong/2671/2019 (H3N2) ۇقساس ۆيرۋستار; B/Washington/02/2019 (B/Victoria lineage) ۇقساس ۆيرۋستار جانە ۇقساس ۆيرۋسى B/Phuket/3073/2013 (B/Yamagata lineage).

سوڭعى جاڭالىقتار

ۇقساس جاڭالىقتار