قوعام • 11 قىركۇيەك، 2020

قاۋىپسىزدىك كەڭەسىندە بالالار مەن ايەلدەردى قورعاۋ ماسەلەلەرى قارالدى

17 رەت كورسەتىلدى

قاۋىپسىزدىك كەڭەسىنىڭ اپپاراتىندا بالالار مەن ايەلدەردى وتباسىلىق-تۇرمىستىق جانە سەكسۋالدىق زورلىق-زومبىلىقتان قورعاۋ، سونداي-اق سۋيتسيدتىك مىنەز-ق ۇلىقتىڭ الدىن الۋ ماسەلەلەرى بويىنشا كەڭەس وتكىزىلدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

«قازاقستان – 2050» ستراتەگياسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ انا مەن بالانى جان-جاقتى قورعاۋ قاجەتتىگىن ەرەكشە اتاپ ءوتتى.

مەملەكەت باسشىسى قاسىم-جومارت توقاەۆ ءوزىنىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا كامەلەتكە تولماعانداردىڭ قاۋىپسىزدىگى مەن قۇقىقتارىن قورعاۋدى، ونىڭ ىشىندە بالالاردىڭ زورلىق-زومبىلىعىنا بايلانىستى تەرگەلىپ جاتقان ءاربىر ءىستى قاتاڭ باقىلاۋعا الۋدى قامتاماسىز ەتۋ قاجەتتىگىن اتاپ ءوتتى.

تالقىلاۋعا قازاقستانداعى  بالا قۇقىقتارى جونىندەگى ۋاكىل ارۋجان ساين، «Nur Otan» پارتياسى جانىنداعى وتباسى، ايەلدەر جانە بالالاردىڭ قۇقىقتارىن قورعاۋ ماسەلەلەرى جونىندەگى رەسپۋبليكالىق قوعامدىق كەڭەستىڭ ءتورايىمى دينارا زاكيەۆا، ۋاكىلەتتى ورتالىق جانە جەرگىلىكتى اتقارۋشى ورگانداردىڭ باسشىلارى قاتىستى.

كەڭەسكە قاتىسقان قوعام بەلسەندىلەرى ايەلدەر مەن بالالارعا قاتىستى زورلىق-زومبىلىق ماسەلەسى قازاقستاندىق قوعامدا ءالى دە وزەكتى ەكەنىن  اتاپ ءوتىلدى. ماسەلەن، قىلمىستىق كورسەتكىشتەردىڭ جالپى تومەندەۋىنە قاراماستان، 2020 جىلدىڭ 8 ايىنىڭ ناتيجەلەرى بويىنشا وتباسىلىق-تۇرمىستىق سالادا جاسالعان (598-دەن 656-عا دەيىن نەمەسە 9،7% - عا) قىلمىستىق قۇقىق بۇزۋشىلىقتار كوبەيگەن.

پىكىرتالاس ناتيجەلەرى بويىنشا وسى سالاداعى جۇمىستى جەتىلدىرۋ بويىنشا ۇسىنىستار ازىرلەندى. اتاپ ايتقاندا، قىلمىستىق ىستەردىڭ ءتيىستى ساناتى بويىنشا قۇقىق قولدانۋ پراكتيكاسىنا قاداعالاۋدى كۇشەيتۋمەن قاتار، قوعامدا زورلىق-زومبىلىققا توزبەۋشىلىك مادەنيەتىن قالىپتاستىرۋعا، ازاماتتاردى بالالاردىڭ فيزيكالىق جانە رۋحاني قول سۇعۋىنا جول بەرمەۋ رۋحىندا تاربيەلەۋگە نازار اۋدارۋ ۇسىنىلدى.

وسى تۇرعىدا پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى اسەت يسەكەشەۆ قۇقىققا قارسى ارانداتاتىن كونتەنتتى بۇعاتتاۋ جونىندە، ونىڭ ىشىندە ءداستۇرلى وتباسىلىق قۇندىلىقتارعا مانسۇقتايتىن، زورلىق-زومبىلىقتى ناسيحاتتايتىن، سونداي-اق كامەلەتكە تولماعاندار اراسىنداعى سۋيتسيدتىككە يتەرمەلەيتىن ارەكەتتەرمەن جۇمىستى جانداندىرۋدى تاپسىردى.

اسەت يسەكەشەۆ ورتالىق مەملەكەتتىك جانە ايماقتىق ورگان باسشىلارىن بولىنگەن بيۋدجەتتىك قاراجاتتى ءتيىمدى پايدالانۋدى تاپسىردى. ءبىر رەتتىك شىعىنى كوپ ءىس-شارالاردان گورى، تيىمدىلىگىن دالەلدەگەن ناقتى ىسپەن اينالىساتىن ۇكىمەتتىك ەمەس ۇيىمدارعا باسىمدىق بەرۋدى تاپسىردى.  

قۇقىق قورعاۋ ورگاندارىنا مەملەكەت باسشىسىنىڭ تاپسىرمالارىن ىسكە اسىرۋ بويىنشا، ونىڭ ىشىندە كامەلەتكە تولماعاندارعا جىنىستىق زورلىق-زومبىلىق كورسەتكەندەردى جاۋاپكەرشىلىككە تارتۋدى قاتاڭداتۋ بويىنشا جانە قارالىپ جاتقان قىلمىستىق ىستەرگە كەدەرگى جاساپ وتىرعانداردى انىقتاپ، ساراپتاما جاساۋعا تاپسىرمالار بەرىلدى. 

سوڭعى جاڭالىقتار

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

قاۋىپتى ۆيرۋس شابۋىل جاسادى

تەحنولوگيا • بۇگىن، 07:09

كيبەرقاۋىپسىزدىك تۋرالى مالىمدەدى

تەحنولوگيا • بۇگىن، 07:08

ءبىرى كەتىپ، ەكىنشىسى كەلدى

حوككەي • بۇگىن، 07:00

جاڭا سالماق قوسىلدى

كاسىپقوي بوكس • بۇگىن، 06:59

اققۋلاردان تاراعان اۋرۋ

قوعام • بۇگىن، 06:59

مولدىربۇلاقتىڭ كوزىن اشتى

ايماقتار • بۇگىن، 06:56

مۇنايشىلاردىڭ قامقورلىعى

قوعام • بۇگىن، 06:46

لوماچەنكو-لوپەس: جاستىڭ اتى جاس ەكەن

كاسىپقوي بوكس • بۇگىن، 06:28

جىگىتتەر جۇلقىنىپ تۇر

سپورت • بۇگىن، 06:26

ادامزات اقىل-ويىنىڭ الىبى

رۋحانيات • بۇگىن، 06:22

«ماماندىعىم – قۇتقارۋشى!»

قوعام • بۇگىن، 06:13

ۇقساس جاڭالىقتار