"كوروناۆيرۋستىڭ جاڭا تولقىنىنا دايىندىق قىزۋ ءجۇرىپ جاتىر. قازاقستانداعى مەديتسينالىق مەكەمەلەر ءبىر مەزگىلدە 7 مىڭنان استام توسەك-ورىن دايىنداۋعا قاۋقارلى. ونىڭ ىشىندە 3 مىڭعا تارتا جانساقتاۋ ءبولىمى بولادى. قازىر ەلىمىزدە 19 066 ينفەكتسيالىق توسەك-ورىن بار. ونىڭ قازىرگى جۇكتەمەسى 15%-دى قۇراپ وتىر. ينفەكتسيالىق جانە پروۆيزورلىق ورتالىقتاردا 3 379 ءوجج اپپاراتى بار, قوسىمشا 2 619 بىرلىك ساتىپ الىنۋدا. بۇگىنگى تاڭدا ەمدەۋگە ارنالعان جالپى قازاقستان بويىنشا 21 566 توسەك-ورىن وتتەگىمەن قامتىلعان جانە قوسىمشا 9 300 ورىندى قامتاماسىز ەتۋ جوسپاردا بار. ول وسى ايدىڭ اياعىنا دەيىن ەنگىزىلەدى", دەدى باعدات قوجاحمەتوۆ.
ونىڭ ايتۋىنشا, جىل سوڭىنا دەيىن جەدەل-جاردەم قىزمەتى قازاقستاندا شىعارىلعان 1 167 سانيتارلىق اۆتوكولىكپەن جابدىقتالادى. شالعايداعى اۋىلدار ءۇشىن 100 مەديتسينالىق كەشەن ساتىپ الىنادى.
