"الداعى ۋاقىتتا قازاقستاندا, سونىڭ ىشىندە شىمكەنتتە ءبىزدىڭ ۋنيۆەرسيتەتتىڭ وكىلدىگىن اشۋ ويىمىزدا بار", دەيدى اريزونا مەملەكەتتىك ۋنيۆەرسيتەتىنىڭ كەڭەسشىسى نيۋ لي حولمان.
قازىر بۇل ءىس جان-جاقتى تالقىلانىپ جاتىر. سونداي-اق شەتەلدىكتەر شىمشاھاردا ستۋدەنتتەرگە ارناپ كامپۋس سالۋدى جوسپارلاپ وتىر. وندا تالىمگەرلەر ءبىلىم الىپ قانا قويماي, جاتاقحانا رەتىندە دە ونى پايدالانا الادى.
مەيماندارعا جوعارى وقۋ ورنىنىڭ وقۋ بازاسى تانىستىرىلدى. ۋنيۆەرسيتەت ىشىندەگى "مۇحتارتانۋ" ورتالىعى مەن تاريحتان سىر شەرتەتىن مۇراجايعا باس سۇققان قوناقتار ونداعى جادىگەرلەرگە تاڭدانىسىن جاسىرمادى.
ء"بىلىم مەن عىلىم سالاسىندا حالىقارالىق قاتىناستى جانداندىرۋ - باستى باعىتىمىز. قازىرگى تاڭدا ۋنيۆەرسيتەت ءوزىمىزدىڭ مىندەت ماقساتتارىمىزدى جالپى كاسىپكەرلىك ۋنيۆەرسيتەتكە باۋلۋ داعدىسىنا كوشىپ وتىرمىز. وسىعان بايلانىستى ءبىز ۋنيۆەرسيتەتتە ماگيسترانت, دوكتارانتتاردى تازا تىلگە وقىتۋعا جانە كاسىپكەرلىككە باۋلۋ ءۇشىن ۇزاق ۋاقىتتان بەرى وسى اريزون ۋنيۆەرسيتەتىمەن ەكى جاقتى بايلانىستا بولعانبىز. ءبىز بۇگىن سونىڭ ناتيجەسىن كورىپ وتىرمىز. بۇل ۋنيۆەرسيتەت بىزگە قوس ديپلومدى, باعدارلاما بويىنشا كاسىپكەرلىكتى شىنايى دامىتۋ ماقساتىندا ۋنيۆەرسيتەتتە كامپۋستار جاتاقحانا سالۋ ماسەلەسىندە كوتەرىپ وتىر ەكى جاقتى", دەيدى ۋنيۆەرسيتەت رەكتورى داريا قوجامجاروۆا.
ءوز كەزەگىندە شەتەلدىك قوناقتار دا عىلىم سالاسىنداعى ورتاق ىستە بىرلەسىپ كىرىسۋگە دايىن ەكەندىگىن جەتكىزدى.
ء"بىز سەرىكتەس بولعالى وتىرعان ۋنيۆەرسيتەتكە اۋەلى قوس ديپلومدى بەرۋ جوباسىن ۇسىنىپ وتىرمىز. عىلىمدى بىرلەسىپ دامىتۋ بويىنشا دا باعدارلامامىز بار. ورتاق كەلىسىمگە كەلسەك, كامپۋس, جاتاقحانا سالامىز دەگەن جوسپارىمىزدى دا ايتتىق", دەدى اريزونا مەملەكەتتىك ۋنيۆەرسيتەتى باسشىسىنىڭ كەڭەسشىسى نيۋ لي حولمون.
