ايماقتار • 11 قىركۇيەك، 2020

قىزىلوردادا جىلۋ ماۋسىمىنا دايىندىق بارىسى تالقىلاندى

30 رەت كورسەتىلدى

وبلىس اكىمى گۇلشارا ابدىقالىقوۆانىڭ توراعالىعىمەن جىلۋ بەرۋ ماۋسىمىنا دايىندىق جونىندەگى وبلىستىق شتاب وتىرىسى ءوتتى، دەپ حابارلايدى Egemen.kz

كەڭەيتىلگەن جيىندا ايماق باسشىسى بىرقاتار سالا باسشىسىنىڭ حابارلامالارىن تىڭداپ، جاۋاپتى ماۋسىمعا ازىرلىك بارىسىن سارالادى.

وبلىس اكىمىنە الدىمەن وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى رۋسلان نۇرماعانبەتوۆ اتقارىلعان جۇمىستاردى تىزبەلەپ، قازىرگى احۋال بارىسىن باياندادى.

بۇگىندە وڭىردە جىلۋ بەرۋ جۇمىستارى 85 پايىزعا اياقتالعان. 2020 جىلعا اعىمداعى جانە كۇردەلى جوندەۋگە، "نۇرلى جەر" باعدارلاماسى جانە "جۇمىسپەن قامتۋ جول كارتاسى" اياسىندا 4 ملرد.تەڭگە قارجى قارالىپتى. ناتيجەسىندە جىلۋ قازاندىقتارىنا جوندەۋ جۇمىستارى جۇرگىزىلىپ، ۇزىندىعى 15 شاقىرىم بولاتىن ماگيسترالدى جانە كۆارتال ىشىلىك جىلۋ جەلىلەرى قايتا جاڭعىرتىلۋدا. بۇل جۇمىستاردىڭ ناتيجەسى وڭىردەگى جالپى جىلۋ جەلىلەرىنىڭ توزۋ كورسەتكىشىن 42 پايىزدان 39 پايىزعا دەيىن تومەندەتەدى.

وبلىس اكىمى قالا، اۋدان ىشىندەگى جىلىتۋ جاعدايلارىن باعامداي كەلە، بىرقاتار ماسەلەلەرگە ۋاقتىلى ءمان بەرىپ، جۇمىستى تەز ارادا رەتتەۋدى تاپسىردى.

"قىزىلوردا قالاسىنداعى، بەلكول كەنتىندە جىلۋ قۇبىرلارىن كۇردەلى جوندەۋ جۇمىستارى بەكىتىلگەن جوسپارعا سايكەس جۇرگىزىلمەي وتىر. بارلىق جۇزەگە اسىپ جاتقان جوبالار 1 قازانعا دەيىن اياقتالۋى قاجەت.  جوندەۋ جۇمىستارىنىڭ بارىسىنا ارنايى كەستە ازىرلەپ، ورىندالۋى تۋرالى ءار اپتانىڭ دۇيسەنبىسىندە ماعان بايانداۋلارىڭىز ءتيىس"، دەدى وبلىس اكىمى سالا باسشىلارىنا.

جيىندا گۇلشارا ابدىقالىقوۆا اۋداندارعا گاز تاراتۋ ماسەلەسىن العا قويىپ، الەۋمەتتىك نىساندارعا جىلۋ بەرۋ جۇمىسىن ۋاقىتىلى ىسكە اسىرۋدى تاپسىردى. اتاپ ايتقاندا، "قازترانسگاز ايماق" اق قىزىلوردا وندىرىستىك فيليالىنىڭ ديرەكتورى تالعات قىزىلباەۆقا قارماقشى، جالاعاش سىرداريا اۋداندارى ورتالىعىنا گاز تاراتۋ ستانسالارىن پايدالانۋعا قاجەتتى قارجى شەشىلگەندىكتەن، اۋدان حالقىنا ۋاقىتىلى گاز بەرۋدى مىندەتتەدى.

"وبلىستاعى جىلۋ بەرۋ نىساندارىنىڭ باسىم بولىگى الەۋمەتتىك سالاعا تيەسىلى. دەنساۋلىق ساقتاۋ مەكەمەلەرىندە، اسىرەسە، قازالى اۋداندىق تۋبەركۋلەزگە قارسى ديسپانسەرى جانە سىرداريا اۋداندىق اۋرۋحاناسىنىڭ كۇردەلى جوندەۋ جۇمىستارى بۇگىندە تولىق اياقتالماعان. جىلۋ بەرۋ ماۋسىمىنا از عانا ۋاقىت قالسا دا، دەنساۋلىق ساقتاۋ سالاسىنىڭ ازىرلىگىنە كۇمانىم بار. سوندىقتان، اۋدان اكىمدىگىمەن بىرلەسە وتىرىپ، اۋرۋحانانىڭ جىلۋ جۇيەسىنىڭ قالىپتى جۇمىس جاساۋىنا جاعداي جاساڭىزدار"، دەدى وبلىس اكىمى.

وتىرىستا وبلىس اكىمى كوپقاباتتى تۇرعىن ۇيلەرگە جىلۋ بەرۋ ماسەلەسىن قاراپ، مودەرنيزاتسيادان وتكەن ۇيلەردىڭ جۇمىستارىنا قاتىستى قالا اكىمىنە بىرقاتار تاپسىرما بەردى. كومىر قويمالارىندا تاپشىلىق تۋىنداماسى ءۇشىن باعانىڭ نەگىزسىز وسپەۋىنە جول بەرمەۋ قاجەتتىگىن ايتىپ، كاسىپكەرلىك جانە تۋريزم باسقارماسىنىڭ باسشىسى فەرداۋسي قوجابەرگەنوۆكە ناقتى تاپسىرما جۇكتەدى.

"الدىڭعى جىلدارى كومىر تاپشىلىعى مەن باعانىڭ كۇرت وسۋىنە بايلانىستى تۇرعىندار تاراپىنان دۇربەلەڭ تۋعانىن بىلەسىزدەر. سوندىقتان باعانىڭ ءوسۋىن، ەكى ورتاداعى دەلدالدىقتى بولدىرماۋ ماقساتىندا، كومىر ءوندىرۋشى مەكەمەلەرمەن تىكەلەي كەلىسىمشارتقا وتىرۋ ءۇشىن كاسىپكەرلەرمەن جۇمىستاردى ۇيلەستىرىڭىز"، دەدى ءوڭىر باسشىسى.

جيىن سوڭىندا وبلىس اكىمى جوسپاردا ايقىندالعان، مەجەدە مىندەتتەلگەن جۇمىستاردى تارقاتا كەلە، قالا، اۋدان اكىمدىكتەرى، سالا باسشىلارى، كوممۋنالدىق قىزمەتتىڭ جەتەكشىلەرىنە 1 قازانعا دەيىن الەۋمەتتىك نىساندار بويىنشا قاجەتتى وتىن قورىن جاساقتاۋدى 100 پايىزعا، تۇرعىنداردى 70 پايىز قامتاماسىز ەتۋدى، كوممۋنالدىق تولەمدەردى جيناقتاۋدى باستى نازارعا قويدى. سونداي-اق، وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسىنا مەكەمەلەر اراسىنداعى بەرەشەك قارىزداردى بولدىرماۋ شارالارىن قابىلداۋدى قاتاڭ تاپسىردى. ال، وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى نۇرعالي قوردابايعا ەلەكتر ەنەرگياسى ءتاريفىنىڭ وسۋىنە بايلانىستى بيۋدجەتتىك مەكەمەلەردىڭ شىعىندارىن قايتا قاراۋدى مىندەتتەدى. سونداي-اق ءبىلىم، مادەنيەت سالاسىنداعى نىساندارعا جىلۋ بەرۋ جۇمىستارىن ءوز مەرزىمىندە اياقتاۋدى جاۋاپتى باسقارمالارعا جۇكتەدى.

مۇنان بولەك، وبلىس اكىمى اپپاراتىنىڭ ۇيىمداستىرۋ-ينسپەكتورلىق جۇمىس جانە ايماقتىق دامۋ ءبولىمىنىڭ ينسپەكتورلارى 1 قازانعا دەيىن قالاداعى جانە اۋداندارداعى نىسانداردى ارالاپ، مونيتورينگ جۇرگىزۋى قاجەتتىگىن اتاپ ءوتىپ، جۇمىستىڭ ورىندالۋىن باقىلاۋدى وبلىس اكىمىنىڭ ورىنباسارى سەرىك سۇلەيمەنوۆكە تاپسىردى.

سوڭعى جاڭالىقتار

«دەمەۋ» جوباسى اۋىلدى دەمەيدى

ايماقتار • بۇگىن، 22:55

«قاراگوز» جاسىرعان شىندىق

ونەر • بۇگىن، 22:49

بەيقامدىق بەلەڭ الىپ تۇر

كوروناۆيرۋس • بۇگىن، 22:22

ۇلكەن قالادا اداسۋ

رۋحانيات • بۇگىن، 22:10

ۇقساس جاڭالىقتار