جولداۋدا پرەزيدەنت مەملەكەتتىك باسقارۋ, ەكونوميكالىق دامۋ, قازاقستاندىقتاردىڭ الەۋمەتتىك ءال-اۋقاتىن ارتتىرۋ ماسەلەلەرىنە ەرەكشە توقتالدى.
ءوزىم ءىرى ونەركاسىپتىك كاسىپورىندى باسقارىپ وتىرعاندىقتان, ماڭىزدى قۇجاتتاعى ەلىمىزدىڭ جاڭا ەكونوميكالىق دامۋىن ىلگەرىلەتۋ جونىندەگى مىندەتتەرگە ەرەكشە نازار
اۋداردىم. مەملەكەت باسشىسى الەمدە قالىپتاسقان قازىرگى احۋال حالىقارالىق ەكونوميكانى تولىعىمەن وزگەرتكەنىن اتاپ ءوتتى. وسى ورايدا پرەزيدەنتتىڭ «ەكونوميكا حالىقتىڭ ءال-اۋقاتىن جاقسارتۋ ءۇشىن جۇمىس ىستەۋى كەرەك» دەگەن ويى ماڭىزدى دەپ ويلايمىن.
قاسىم-جومارت كەمەل ۇلى جاڭا ەكونوميكالىق كۋرستىڭ جەتى نەگىزگى باعىتىن جاريالادى, ونىڭ ىشىندە ەڭ اۋەلى ازاماتتاردىڭ پايداسى مەن مىندەتتەرىن ءادىل ءبولۋ قاعيداسىنا باسىمدىق بەرىلۋى كەرەك. سونىمەن قاتار ءوندىرىس كولەمىنىڭ وسۋىنە, ادامي كاپيتالدى دامىتۋعا جانە «جاسىل» ەكونوميكانى دامىتۋعا باسا كوڭىل اۋدارعان دۇرىس دەپ سانايمىن.
مەملەكەت باسشىسى مىندەتتەپ وتىرعان ماسەلەلەردىڭ بارلىعى سوكولوۆ-سارىباي وندىرىستىك بىرلەستىگىندە قازىردىڭ وزىندە قولعا الىنعان. بۇگىندە كاسىپورىن ERG باسشىلىعىنىڭ قولداۋىمەن ءوندىرىس تيىمدىلىگى مەن ءوز ونىمدەرىنىڭ باسەكەگە قابىلەتتىلىگىن ارتتىرۋعا, ماشينالار مەن جابدىقتاردى جاڭارتىپ, ەڭبەك ونىمدىلىگىن ەسەلەۋگە قول جەتكىزدى. سونداي-اق كومپانيا كەنشىلەر مەن كاسىپورىن ورنالاسقان ەلدى مەكەن تۇرعىندارىنىڭ ءال-اۋقاتىن جاقسارتۋعا باعىتتالعان الەۋمەتتىك جوبالاردى بەلسەندى تۇردە جۇزەگە اسىرىپ كەلەدى.
مەملەكەت باسشىسى «تسيفرلاندىرۋ – بۇل سانگە اينالعان ۇردىسكە ىلەسۋ ەمەس, ۇلتتىق باسەكە قابىلەتتىلىگىن ارتتىرۋدىڭ باستى تەتىگى» ەكەندىگىن اتاپ ءوتتى. بۇعان العاشقىلاردىڭ ءبىرى بولىپ «تسيفرلى قازاقستان» باعدارلاماسىن جۇزەگە اسىرۋدى باستاعان سسكوب ۇجىمى دا كوز جەتكىزىپ وتىر. تاياۋدا قاشار الاڭىندا «اقىلدى كەنىش» جوباسى ءساتتى جۇزەگە اسىرىلدى. وسى ارقىلى كاسىپورىن شىعىنىن ازايتىپ, ەڭبەك ونىمدىلىگىن ارتتىرۋ جانە جوعارى ساپالى ونىمگە قول جەتكىزۋ مۇمكىندىگىنە يە بولىپ وتىرمىز. بۇگىندە تسيفرلى تەحنولوگيالاردى ەنگىزۋ قاشار مەن رۋدنىيدا عانا ەمەس, ەۋرازيالىق توپتىڭ باسقا وڭىرلەردەگى كاسىپورىندارىندا دا جالعاسۋدا.
بەرەكە مۇحامەتقاليەۆ,
«سسكوب» اق پرەزيدەنتى
قوستاناي وبلىسى
