ۇكىمەت • 11 قىركۇيەك، 2020

قوعامدىق كەڭەس وتىرىسى ءوتتى

7 رەت كورسەتىلدى

اقپارات جانە قوعامدىق دامۋ مينيسترلىگىندە اعىمداعى جىلى العاش رەت اقپارات جانە قوعامدىق دامۋ سالاسىنداعى قوعامدىق كەڭەستىڭ وتىرىسى ءوتتى. ەپيدەميالىق جاعدايدى ەسكەرە وتىرىپ، وتىرىس ونلاين فورماتتا جۇرگىزىلدى. ىسشاراعا قوعامدىق كەڭەس مۇشەلەرى، ۇكىمەتتىك ەمەس ۇيىمداردىڭ جانە مەملەكەتتىك ورگاننىڭ ۆەدومستۆولىق باعىنىستى ۇيىمدارىنىڭ وكىلدەرى قاتىستى.

وتىرىس بارىسىندا پاندەميا كەزىندەگى اقپاراتتىق جۇمىس جانە باق-قا قولداۋ كورسەتۋ تۋرالى، ەتنوسارالىق قاتىناستار سالاسىنداعى مەملەكەتتىك سايا­سات، سونىمەن قاتار ۇەۇ گرانت­تىق جوبالارىن جوسپارلاۋ جانە ىسكە اسىرۋ ادىستەمەسىن جەتىلدىرۋ تۋرالى ماسەلەلەر تالقىلاندى.

ءوز سوزىندە اقپارات جانە قو­عامدىق دامۋ ءمينيسترى ا.بالاەۆا: «مەملەكەت باسشىسى قازاقستان حالقىنا جولداۋىندا مەملەكەت پەن قوعامنىڭ ءوزارا ءىس-قيمىل نىساندارىن ودان ءارى دامىتۋ، قوعامدىق مونيتورينگ جانە مەملەكەت قابىلدايتىن شەشىمدەردى باقىلاۋ قاجەتتىگىن اتاپ ءوتتى. سوندىقتان «قوعامدىق باقىلاۋ تۋرالى» زاڭ وسى ما­سە­لەگە باعىتتالاتىن بولادى»، دەدى.

ايدا بالاەۆانىڭ ايتۋىنشا، ءبىلىم مەن ەڭبەككە ۇمتىلۋ ارقىلى ۇلتتىڭ ادامي كاپيتالىنىڭ ساپاسىن ارتتىرۋ مىندەتىن جۇرت­شى­لىقپەن ىنتىماقتاستىق ارقى­لى عانا جۇزەگە اسىرۋعا بولادى. مينيسترلىك مۇنداي كەزدەسۋلەردى تۇراقتى نەگىزدە وتكىزۋدى جوسپارلاپ وتىر.

ء«بىز سىزدەردىڭ ۇسى­نىس­تارىڭىز ءۇشىن ارقاشان اشىقپىز جانە ولاردى بەلسەندى تالقىلاۋعا دايىنبىز»، دەدى مينيستر.

سوزگە شىققان قوعامدىق كە­ڭەس مۇشەلەرىنىڭ پىكىرلەرى تالقى­­لانىپ، اقپارات، ازاماتتىق قوعام­­مەن ءوزارا ءىس-قيمىل جانە ەت­­نوس­ارالىق قاتىناستار سالا­لارىنداعى جۇمىستى جەتىلدىرۋ بويىنشا ۇسىنىستار تىڭدالدى.

وتىرىستا ايتىلعان بار­لىق پى­كىرلەردى، ەسكەرتۋلەر مەن ۇسى­نىس­تاردى حاتتاماعا ەنگىزۋ جانە جا­ۋاپ­تى تۇلعالاردىڭ نازارىنا جەت­كىزۋ جونىندە تاپسىرمالار بە­رىلدى.

 

 

سوڭعى جاڭالىقتار

ۇقساس جاڭالىقتار