مەديتسينا • 10 قىركۇيەك، 2020

تەمەكى ساتۋدىڭ جاڭا شارتتارى قازان ايىنان باستاپ كۇشىنە ەنەدى

273 رەت كورسەتىلدى

قازان ايىنان باستاپ، تەمەكى ونىمدەرى مىندەتتى تۇردە تاڭبالانۋى ءتيىس، دەپ حابارلايدى Egemen.kz.

قارجى مينيسترلىگى مەملەكەتتىك كىرىستەر كوميتەتى ءباسپاسوز قىزمەتىنىڭ مالىمەتىنە قاراعاندا، بۇل شارالار نارىقتىڭ اشىقتىعى مەن تۇرعىنداردى جاساندى ونىمدەردەن، اسىرەسە، دەنساۋلىققا زيان كونترافاكتىدەن ساقتاۋعا ارنالىپ وتىر.

ساندىق تاڭبالاۋدى ەنگىزۋدىڭ ءبىرىنشى كەزەڭىنىڭ اياسىندا، 2020 جىلدىڭ 1 قازانىنان باستاپ تەمەكى ونىمدەرىن ساتۋ جاڭا شارتتاردا جۇزەگە اسىرىلادى، وعان سايكەس تەمەكى ونىمدەرى مىندەتتى تۇردە تاڭبالانۋى ءتيىس. تەمەكى ءونىمىنىڭ كەز كەلگەن اينالىمىندا شىعارىلعان مەرزىمنەن باستاپ 2D-سكانەر قولدانىلۋى ءتيىس، اتالمىش سكانەر قاجەتتى مالىمەتتەردى وقۋعا جانە ولاردى فيسكالدى دەرەكتەر وپەراتورلارىنا بەرۋگە مۇمكىندىك بەرەدى.

سونىمەن بىرگە، ەگەر ءوندىرۋشى ءوز جۇمىسىندا 2D-سكانەر قولداناتىن بولسا، ونىڭ جاڭاسىن ساتىپ الۋدىڭ قاجەتى جوق. تاڭبالاۋ – تاۋارداعى ارنايى شيفرلانعان بەلگى، ول ءوندىرۋشى تۋرالى تولىق اقپارات، سەريالىق ءنومىر جانە بۇزۋدان ساقتايتىن كودتان تۇرادى. تاۋارلاردى تاڭبالاۋدا DataMatrix بىرەگەي كودى پايدالانىلادى. ول بىرەگەي، قايتالانبايدى جانە ونى بۇزۋ مۇمكىن ەمەس.

بۇل شىنايى ءوندىرۋشىنىڭ تاۋار ساپاسىنا كەپىلدىگىن قامتاماسىز ەتەدى. DataMatrix تەمەكى قورابىنىڭ سىرتىنا ورنالاستىرىلادى جانە بۇل كودتىڭ 30 پايىزعا دەيىن بۇزىلۋى انىقتالسا دا، 2D-سكانەر وسىنداي كودتى وقي الادى.

"كاسىپكەرلەرگە ىڭعايلى بولۋى ءۇشىن ساندىق تاڭبالاۋدى ەنگىزۋ مەن تاۋارلاردى قاداعالاۋ جونىندەگى ۇلتتىق وپەراتور نارىقتا ساتىلاتىن سكانەرلەردى تەستىلەۋدەن وتكىزىپ، ساندىق تاڭبامەن قولدانۋ تالاپتارىنا ساي كەلەتىن قۇرىلعىلاردى تاڭداپ الدى"، دەلىنگەن حابارلامادا.



سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار