قازاقستان • 10 قىركۇيەك، 2020

ۇلتتىق بانك: تەڭگەگە اسەر ەتەتىن فاكتورلار ناقتىلاندى

22 رەت كورسەتىلدى

بۇگىن  ۇلتتىق بانكى توراعاسىنىڭ ورىنباسارى ءاليا مولدابەكوۆا ىشكى ۆاليۋتا نارىعىنداعى احۋالدىڭ دامۋى جانە الەمدىك نارىقتارداعى تامىز ايىنداعى نەگىزگى وقيعالار، ايدىڭ سوڭىندا ءداستۇرلى سۇحباتتاسۋ بارىسىندا ەلىمىزدىڭ حالىقارالىق رەزەرۆتەرىنىڭ ديناميكاسى تۋرالى ايتىپ بەردى، دەپ حابارلايدى Egemen.kz.

ۇب وكىلىنىڭ پايىمداۋىنشا تامىز ايىنىڭ  شەتەل ۆاليۋتاسى تەڭگەگە قاتىستى جاڭالىقتارى نەيترالدى سيپاتتا بولىپتى.  مۇناي باعاسىندا دا اسا وزگەرىس بولمادى. باعا  44،15-45،86 دوللار ارالىعىندا شامادان تىس قۇبىلمالىلىقسىز ساۋدالانىپتى.   سەبەبى تامىزدىڭ باسىندا اقش پەن ەۋروايماقتىڭ وندىرىستىك سەكتورىنداعى ىسكەرلىك بەلسەندىلىك تۋرالى مالىمەتتەردىڭ بەتالىسى بەلگىلى بولىپ قالدى. قولايلى ماكروەكونوميكالىق ستاتيستيكا اياسىندا الەمدىك قور يندەكستەرى ءوسۋىن جالعاستىرىپتى. مىسالى، امەريكاندىق S & P500 اكتسيالار يندەكسى تامىزدا 7% -عا ءوستى، الەمدىك قور نارىعىنىڭ جاعدايىن بەينەلەيتىن MSCI World يندەكسى تامىزدا 6،5% -دان استامعا ءوستى. الايدا، ينۆەستورلار تاۋەكەلىنىڭ ودان ءارى وسۋىنە پاندەميانىڭ بەتى قايپاۋى جانە الپاۋىت ەلدەر اراسىنداعى ساۋدا قاقتىعىستارىنىڭ كۇشەيۋى سەبەپ بولعان.  

"تامىز ايىندا   اقش دوللارىنىڭ ارزانداۋى الەمنىڭ نازارىن اۋداردى.  بۇل جاعدايدا فرج ۇزاق ۋاقىت بويى جۇمساق اقشا-نەسيە ساياساتىن جۇرگىزۋى مۇمكىن. سەبەبى اقش-تىڭ قازىناشىلىق مىندەتتەمەلەرىنىڭ ناقتى ستاۆكالارىنىڭ تومەندەۋىنە دە اسەر ەتتى جانە التىن باعاسىنىڭ كوتەرىلۋىن ۋنتسياسىنا 2000 دوللاردان جوعارى دەڭگەيگە دەيىن جەتكىزدى"، دەيدى ۇب وكىلى.

"دوللاردىڭ السىرەۋى دامىعان ەلدەردىڭ ۇلتتىق ۆاليۋتالارانا قالاي اسەر ەتەدى؟" دەگەن ماسەلە دامىعان ەلدەردىڭ ساراپشىلارى ءۇشىن ماڭگىلىك تاقىرىپ. سەبەبى، قازاق تەڭگەسىنىڭ تاعدىرى تەك مۇناي باعاسى نەمەسە اقش دوللارىنا عانا تاۋەلدى ەمەس ەكەنى ەندى بەلگىلى بولىپ جاتىر. ساراپشىلار تەڭگەمىز تەك ەكى فاكتوردىڭ ەمەس، كورشى ەل رەسەيگە قارسى باعىتتالعان باتىستىڭ سانكتسياسى، سىرتقى ساۋداداعى يمپورتتىڭ ۇلەسىنىڭ قىسپاعىندا. باسقاشا ايتقاندا تەڭگەمىز ءۇپ ەتكەن جەلگە دەيىن ءبىر ەتە قالاتىن قورعانسىز بالانىڭ كەيپىنە تۇسە باستادى.    

ۇلتتىق بانك تامىز ايىندا ۆاليۋتا نارىعىنا قاتىسپاسا دا پايىزدىق مولشەرلەمەلەر وزگەردى. بيرجاداعى ساۋدا شىلدە ايىنداعى 2.1 ملرد  اقشدوللارىنان 2.2 ملرد اقش دوللارىنا دەيىن ءوستى.  تامىز ايىنداعى تەڭگەنىڭ كەنەتتەن كۇش الىپ، ءبىر باعانى ۇزاق ۋاقىت تۇرۋىنا وسى فاكتورلار دا اسەرىن بەرىپتى.     ۇب وكىلىنىڭ پايىمداۋىنشا،   تامىز ايىنداعى  ماۋسىمدىق فاكتوردان دا تەڭگە جىل سايىن بىرازعا دەيىن قور جيناپ الاتىن. بىراق بيىلعى پاندەمياعا قاتىستى   ماۋسىمدىق فاكتور تەڭگەمىزگە اسەر ەتە الماپتى.  

"تامىز ايىندا كەپىلدەندىرىلگەن ترانسفەرتتى قامتاماسىز ەتۋ ماقساتىندا ۇلتتىق بانك ۇلتتىق قوردان شەتەل ۆاليۋتاسىن 681 ميلليون دوللاردى
ساتتى،  ترانسفەرتتىڭ كونۆەرسيا مولشەرى وتكەن ايلارمەن سالىستىرعاندا ايتارلىقتاي تومەن بولدى، بىراق بۇل ۆاليۋتا نارىعىندا تەڭگەرىمسىزدىككە، باسقاشا ايتقاندا تەڭگەنىڭ تىم قاتتى ارزانداپ كەتۋىنە جول بەرمەدى. كۆازيمەملەكەتتىك سەكتور كومپانيالارى وزدەرىنىڭ مىندەتتەمەلەرى شەڭبەرىندە ۆاليۋتا تۇسىمدەرىنىڭ ءبىر بولىگىن 266 ملن دوللاردى ساتتى. بۇل ۆاليۋتا نارىعىندا ۇسىنىس پەن سۇرانىستى تەڭەستىردى"، –دەيدى ۇب وكىلى ء اليا مولدابەكوۆا

الدىن الا مالىمەتتەر بويىنشا، قازاقستاننىڭ حالىقارالىق رەزەرۆتەرى ۇلتتىق قوردىڭ اكتيۆتەرىن قوسقاندا، تامىز ايىنىڭ سوڭىندا 94،1 ميلليارد دوللاردى قۇرادى. تامىز ايىنىڭ سوڭىندا ۇلتتىق بانكتىڭ التىن-ۆاليۋتا رەزەرۆتەرى ءبىر ايدا 22 ميلليون دوللارعا شامالى ءوسىپ، 35،4 ميلليارد دوللاردى قۇرادى. التىننىڭ ۇلەسىندە دە وزگەرىس جوق.

تامىزدىڭ تەڭگەگە دەگەن قاباعى ءتۇزۋ بولعانمەن، قىركۇيەك ايى اسا جايلى باستامادى. ايدىڭ باسىنان بەرى تەڭگەمىز تۇراقتىلىعىن ساقتاي المادى. ۇب وكىلى مۇنىڭ سەبەبىن مۇناي باعاسىنىڭ ارزانداۋىنان دەپ بىلەدى ەكەن.    
قىركۇيەك ايىنىڭ باسىنان باستاپ مۇناي باعاسى كۇرت تومەندەي باستادى. ساراپشىلار مۇنىڭ سەبەبىن ينۆەستورلاردىڭ كومىرسۋتەكتەرگە دەگەن سۇرانىس تومەندەۋىندە دەپ وتىر. سەبەبى ينۆەستوردا ەرتەڭ باعا قانداي بولادى دەگەن الاڭ كوڭىل بار.  COVID-19-عا قارسى AstraZeneca ۆاكتسيناسىنىڭ سىناقتارىن توقتاتا تۇرۋ تۋرالى حابارلامالار تۋىنداعان كەزدە ينۆەستورلار ءالىپتىڭ  سوڭىن كۇتۋگە ىڭعاي تانىتقان. كەشەدەن باستاپ  سوڭىنان باستاپ مۇناي باعاسى قالىپقا كەلەتىن ىڭعاي تانىتىپ، قور بيرجاسىندا قوزعالىس باستالىپتى.

قىركۇيەك ايىنىڭ ورتاسىندا فەدەرالدىق اشىق نارىق كوميتەتى جينالادى. بۇعان دەيىن اقش-تىڭ فەدەرالدى رەزەرۆتىك جۇيەسى ستاۆكالاردىڭ ۇزاق ۋاقىت بويى تومەن دەڭگەيدە بولاتىندىعىن ەسكەرتكەن بولاتىن.

ورتالىق بانكتىڭ بۇرىن-سوڭدى بولماعان شارالارىنان وتىمدىلىك اعىندارى اكتيۆتەرگە كۇش بەرىپ جاتىر. ال نارىق بولسا  كوروناۆيرۋستىق پاندەميا مەن ونىڭ سالدارى، سونداي-اق وسى جىلدىڭ قاراشاسىندا اقش-تاعى پرەزيدەنت سايلاۋىنىڭ كەرى سالدارىنا دايىندىقتى باستاپ كەتىپتى.

"رەسەي ءرۋبلى دە  گەوساياسي تاۋەكەلدەردىڭ ىقپالىندا قالدى. ساراپشىلار ءرۋبلدىڭ الىسەرۋى الداعى ۋاقىتتا جالعاسا بەرەتىنىن ايتىپ وتىر.
–مۇناي باعاسىنىڭ شەشۋشى فاكتورلارىن COVID-19 جانە وپەك + -كە مۇشە ەلدەردىڭ ساياساتتاعى ەندىگى باعىتى انىقتايدى. ۇلتتىق بانك سىرتقى جانە ىشكى نارىقتارداعى وقيعالارعا باقىلاۋدى جالعاستىرادى جانە توتەنشە جاعدايلار تۋىنداعان كەزدە قارجىلىق تۇراقتىلىقتى قامتاماسىز ەتۋ ءۇشىن قولدا بار قۇرالداردىڭ بارلىق سپەكترىن پايدالانۋعا دايىن"، –دەيدى ۇب وكىلى.

سوڭعى جاڭالىقتار

ۇقساس جاڭالىقتار