مەديتسينا • 10 قىركۇيەك، 2020

نۇر-سۇلتاندا تۇماۋعا قارسى ۆاكتسيناتسيا باستالدى

43 رەت كورسەتىلدى

COVID-19 تۋدىرعان پاندەميادان تولىق ارىلماي جاتىپ، ماۋسىمدىق تۇماۋ باستالسا نە بولادى، دەگەن قاۋىپتىڭ كىمنىڭ دە كوڭىلىندە بارلىعى انىق، دەپ حابارلايدى Egemen.kz.

بيىل ەلوردالىقتاردى تۇماۋعا قارسى ۆاكتسيناتسيالاۋ ءۇشىن 110 مىڭ دوزا ۆاكتسينا ساتىپ الىندى، دەپ حابارلايدى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى. تۇماۋعا قارسى ۆاكتسيناتسيانىڭ استانالىقتارعا تىركەلگەن مەكەن-جايى بويىنشا جەرگىلىكتى العاشقى مەديتسينالىق-سانيتارلىق كومەك ۇيىمدارىندا جۇرگىزىلەدى دەگەن  قوعامدىق دەنساۋلىق ساقتاۋ باسقارماسى ۆاكتسيناتسيانىڭ ءبىرىنشى كەزەكتە قانداي ساناتتاعى ادامدارعا سالىناتىنىن ايتتى. ولار– سوزىلمالى اۋرۋلارى بار 18 جاسقا دەيىنگى بالالار; مەديتسينالىق قىزمەتكەرلەر; جۇكتى ايەلدەر (جۇكتىلىكتىڭ العاشقى 2-3 ايى); جابىق مەكەمەلەردەگى ادامدار (بالالار ءۇيى، ءۇي، ينتەرنات); ەرەسەك مۇگەدەكتەر مەن سوزىلمالى اۋرۋلارى بار بالالار; 60 جاستان اسقان قارت ادامدار كورىنەدى.

"قازاقستاندا جىل سايىن تۇماۋعا قارسى جاپپاي يممۋنداۋ تۇماۋدىڭ ەپيدەميالىق تارالۋى مەن ءولىم مەن اسقىنۋلاردىڭ دەڭگەيىن تومەندەتۋ ماقساتىندا جۇرگىزىلەدى. ۆاكتسيناتسيالاۋدا ورگانيزمگە ينفەكتسيالىق اگەنت بولشەگى ەنگىزىلەدى. ول ينفەكتسيالىق اگەنت اۋرۋدى تۋدىرۋى مۇمكىن ەمەس، بىراق اعزادا انتيدەنەلەردى شىعارۋعا ىنتالاندىرۋى مۇمكىن"، - دەيدى قوعامدىق دەنساۋلىق ساقتاۋ باسقارماسىنىڭ مامانى فاتيما سماگۋلوۆا.

نازار اۋداراتىن جايت، ۆاكتسيناتسيا وعان قارسى كورسەتكىشتەرى بار ادامدارعا جاسالمايدى. ەگەر اعزادا  وتكىر ۆيرۋستىق ينفەكتسيا بولسا (تاماق اۋرۋى، جوتەل، بەزگەك)، وندا  ۆاكتسينا الۋعا بولمايدى. 

سونداي-اق  سوزىلمالى اۋرۋلاردىڭ ءورشۋ كەزىندە دە ۆاكتسينالاردان ۋاقىتشا باس تارتۋعا تۋرا كەلەدى. ەكى جاعدايدا دا پاتسيەنتتەر ساۋىققاننان كەيىن نەمەسە سوزىلمالى اۋرۋدىڭ تۇراقتى جاقسارۋىنان كەيىن ۆاكتسيناتسيالانادى، دەيدى قالالىق قوعامدىق دەنساۋلىق ساقتاۋ قىزمەتىندەگى ماماندار.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار