"ەپيدەميالىق جاعدايدى ەسكەرە وتىرىپ, بالالاردى قاشىقتان وقىتۋ قاجەتتىلىگىن تاعى دا ەسكەرتەمىز. ەستەرىڭىزگە سالا كەتەيىن, مامىر ايىندا كارانتيننەن كەيىن ءبىراز بالاباقشادا كەزەكشى توپتار اشىلد. ارتىنشا نۇر-سۇلتان قالاسىندا, باتىس قازاقستان وبلىسىندا, ءبىراز وڭىردە بالالاردىڭ اراسىندا كوروناۆيرۋس تىركەلدى. سوندىقتان قاۋىپسىزدىك ماسەلەسى ەشقايدا كەتكەن جوق. سونىڭ ءبارىن ەسكەرىپ وتىرۋىمىز كەرەك. كوروناۆيرۋس ىندەتىنىڭ تارالۋ تىزبەگى ءبىر بالادان باستاپ جالپى قوعامعا جەتۋ مۇمكىندىگى وتە جوعارى. اشىعىن ايتقاندا بالا, سىنىپ, مەكتەپ, ودان اتا-انا, ۇجىم, قوعام بولىپ سولاي جالعاسىپ كەتە بەرەدى", - دەدى ەرالى توعجانوۆ.
وسى ورايدا ول بۇل باعىتتى مەملەكەت باسشىسى قاتاڭ باقىلاپ وتىرعانىن ايتىپ ءوتتى.
"وقۋ پروتسەسىن جالعاستىرۋدىڭ ءار كەزەڭى ءجىتى قارالىپ, مونيتورينگ قورىتىندىلارىن ساراپتاۋ ارقىلى جاسالىپ وتىر. ءتۇسىپ جاتقان ءاربىر سۇراققا شۇعىل تۇردە جاۋاپ تا بەرىلەدى. بۇگىن ءالى دە قاشىقتان وقىتۋ جۇيەسىنە بايلانىستى ماسەلە دە, سۇراقتار دا جوق ەمەس. الدا اتقارىلار جۇمىس تا كوپ. تۇراقتى وقۋ جۇيەسىنىڭ تيىمدىلىگى دە, ناتيجەسى مەن ساپاسى دا ارتىق ەكەنى بەلگىلى. دەگەنمەن, بالالارىمىزدى امان ساقتاپ قالۋ باستى مىندەتىمىز. مەملەكەت تاراپىنان نەگىزگى بالالاردىڭ دەنساۋلىعىن قامتاماسىز ەتۋگە بايلانىستى ناقتى شارالاردى قابىلداۋ سەبەبىمىز دە وسىدان شىعىپ وتىر", - دەدى ول.
