كەزدەسۋ بارىسىندا مۇرات ءنالحوجا ۇلى اۋداننىڭ الەۋمەتتىك-ەكونوميكالىق دامۋ باعىتىنداعى كورسەتكىشتەرىمەن تانىستىرا وتىرىپ, الداعى جوسپارلار جايلى ايتتى.
"قازىرگى تاڭدا كاسىپكەرلىك سالانى دامىتۋعا باعىتتالعان مەملەكەتتىك باعدارلامالارعا قاتىسۋشىلاردىڭ باسىم كوپشىلىگىن ايەلدەر قۇراپ وتىرعاندىعى قۋانتادى. بۇل ءوز كەزەگىندە ەڭبەككە قابىلەتتى حالىقتى جۇمىسپەن قامتۋ دەڭگەيىن جانە ولاردىڭ ءومىر ءسۇرۋ ساپاسىن ارتتىرۋعا ءوز سەپتىگىن تيگىزەدى. اۋدان بويىنشا "التىن القا", "كۇمىس القا" ناگرادالارىمەن ماراپاتتالعان 1124 جانە 4593 كوپبالالى انا بار. ولار مەملەكەت تاراپىنان ءتيىستى كولەمدە الەۋمەتتىك كومەكتەرىن ۋاقىتىلى الىپ كەلەدى", – دەگەن اۋدان باسشىسى.
ءوز كەزەگىندە كەزدەسۋگە قاتىسۋشىلار وتباسىلار كۇنى مەرەكەسى قابىلداۋ وتكىزگەن اۋدان اكىمىنە ريزاشىلىقتارىن ءبىلدىرىپ, وزدەرىنىڭ ۇسىنىس-پىكىرلەرىن جەتكىزدى.
اۋدان باسشىسى قوعامدىق ومىرگە بەلسەنە ارالاسىپ جۇرگەن قىز-كەلىنشەكتەرگە العىسىن ايتىپ, الداعى جۇمىستارىنا ساتتىلىك تىلەدى.
قىزىلوردا وبلىسى
