ايماقتار • 10 قىركۇيەك، 2020

دەنساۋلىق ساقتاۋ الەۋەتىمەن تانىستى

21 رەت كورسەتىلدى

پارلامەنت سەناتىنىڭ دەپۋتاتى اق­مارال ءالنازاروۆا مەن دەنساۋلىق ساقتاۋ ۆيتسە-ءمينيسترى اجار عينيات قىزىلوردا وبلىسىنا ساپارمەن كەلدى.

سەناتور مەن ۆيتسە-مينيستر الدىمەن جال­اعاش اۋداندىق اۋرۋحاناسى قۇرىلىسىمەن، اۋداندىق ەمحانا جۇمىسىمەن تانىستى. اۋدان­داعى 33 مىڭنان استام تۇرعىنعا ورتالىق اۋرۋحا­نا، اۋداندىق ەمحانا، 12 دارىگەرلىك امبۋ­لاتوريا، 2 فەلدشەرلىك-اكۋشەرلىك، 3 مەدي­تسي­نالىق بەكەت قىزمەت كورسەتەدى. مۇندا كوروناۆيرۋس ىندەتىنە قارسى كۇرەسكە 182 مەديتسينا قىزمەتكەرى جۇمىلدىرىلىپ، ولارعا 65،6 ملن تەڭگە ۇستەمەاقى تولەنگەن. اۋدان بويىنشا كوروناۆيرۋس ينفەكتسياسىن جۇقتىرعان 113 جاعداي تىركەلگەن، ولاردىڭ 111-ءى جازىلىپ شىقتى.

ساپار اياسىندا قارماقشى اۋدانى تورەتام كەنتىندەگى №80، بايقوڭىر قا­لاسىنداعى №272 ورتا مەكتەپتەرىندە جۇر­گىزىلىپ جاتقان جون­دەۋ جۇمىستارىن كور­دى. بايقوڭىر قالاسىن­داعى كوپبەيىندى اۋرۋحانادا مەديتسينا قىز­مەت­كەرلەرىمەن كەزدەسىپ، مامانداردىڭ ۇسى­نىس-پىكىرلەرىن تىڭدادى. كەلەسى كۇنى ساپار وبلىستىق جۇق­پالى اۋرۋلار اۋرۋحاناسىندا جالعاستى. اۋرۋحانا 185 توسەكتىك ورىنعا ار­نال­عان. ەپيدەميالىق احۋالعا بايلانىستى قو­سىم­شا 170 ينفەكتسيالىق، 90 پروۆيزورلىق ورىن جاساقتالعان.

وسىدان كەيىن ۇلتتىق ساراپتاما ور­تالىعى، وبلىستىق كوپبەيىندى اۋرۋحانا مەن №3 قالا­لىق ەمحانا جۇمىسىمەن تانىسقان مەيماندار وبلىستىق مەكەمەلەر ۇيىندە دارىگەرلەرمەن باس­قوسۋ وتكىزىپ، ىندەتتىڭ ەكىنشى تولقىنىنا دايىندىق بارىسىن تالقىلادى.

1

 

قىزىلوردا وبلىسى

 

سوڭعى جاڭالىقتار

ۇقساس جاڭالىقتار