ۇكىمەت • 10 قىركۇيەك، 2020

وڭدەۋ سالاسىندا ءوسىم بار

25 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى (جۇج) قارالدى. ۇلتتىق ەكونوميكا ءمينيسترى رۋسلان دالەنوۆ ۇسىنعان قۇجات پرەزيدەنت بەلگىلەگەن نەگىزگى باعىتتار بويىنشا 143 تارماقتان تۇرادى.

پرەمەر-مينيستر ۇكىمەتتىڭ باستى مىندەتى حالىقتىڭ ءال-اۋقاتىن ارتتىرۋ، ەكونوميكانى دامىتۋ جانە تۇراقتى جۇمىس ورىندارىن قۇرۋ ەكەنىن اتاپ ءوتتى. بيۋدجەتتىك جوسپارلاۋدىڭ جاڭا جۇيەسىندە ۇلتتىق باسىمدىقتار قامتاماسىز ەتىلەدى جانە بيۋدجەتتەن تىس قورلاردىڭ قاراجاتىن ەسكەرە وتىرىپ، «كەڭەيتىلگەن بيۋدجەت» ەنگىزىلەدى. ازاماتتاردىڭ الەۋمەتتىك ءال-اۋقاتىن قامتاماسىز ەتۋ ماقساتىندا تۇرعىن ءۇيدىڭ قولجەتىمدىلىگى، قولايلى وتباسىلىق-دەموگرافيالىق جاعدايلار جاساۋ، ەكولوگيانى، ءبىلىم بەرۋ ساپاسىن جاقسارتۋ، سونداي-اق دەنساۋلىق ساقتاۋ جۇيەسىن جەتىلدىرۋ جونىندە شارالار قابىلدانادى. «بۇگىن تانىستىرىلعان مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوس­پارى العا قويىلعان مىندەتتەرگە ساي كەلەدى. پرەزيدەنت جوسپاردى بەكىتكەننەن كەيىن بارلىق مەملەكەتتىك ورگاندار مەن اكىمدىكتەر ونى دەرەۋ ورىنداۋعا كىرىسۋى ءتيىس»، دەدى ا.مامين. 

ۇكىمەت باسشىسى ورتالىق جانە جەرگىلىكتى اتقارۋشى ورگانداردىڭ ءبىرىنشى باسشىلارى جوسپار ءىس-شارالارىنىڭ ساپالى ءارى ۋاقىتىلى ورىندالۋىن قامتاماسىز ەتۋى ءتيىس ەكەنىن اتاپ ءوتتى. «بىزدەن جەدەلدىك پەن ناقتى ناتيجە تالاپ ەتىلەدى»، دەپ تۇيىندەدى ا. مامين.

 

قۇرىلىس پەن اۋىل شارۋاشىلىعىندا قارقىن بار

ۇكىمەت وتىرىسىندا 2020 جىلعى قاڭ­تار-تامىزداعى ەلىمىزدىڭ الەۋمەتتىك-ەكونو­ميكالىق دامۋ قورىتىندىسى جانە رەسپۋب­ليكالىق بيۋدجەتتىڭ اتقارىلۋى قارالدى. ەكونوميكانىڭ، بانك سالاسىنىڭ جاي-كۇيى مەن رەسپۋبليكالىق بيۋدجەتتىڭ ورىندالۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى ر.دالەنوۆ، ۇلتتىق بانك توراعاسى ە.دوساەۆ، قارجى ءمينيسترى ە.جاماۋباەۆ، ونەركاسىپ جانە ەنەرگەتيكا سەكتورىنداعى احۋال تۋرالى يندۋستريا جانە ينفراقۇرىلىمدىق دامۋ ءمينيسترى ب.اتامقۇلوۆ، ەنەرگەتيكا ءمينيسترى ن.نوعاەۆ، اگروونەركاسىپ كەشەنىنىڭ جاعدايى تۋرالى اۋىل شارۋاشىلىعى ءمينيسترى س.وماروۆ باياندادى. 

ۇلتتىق ەكونوميكا ءمينيسترى ر.دالەنوۆ ەكونوميكانىڭ ناقتى سەكتورىندا ءوسىمنىڭ ساقتالىپ وتىرعانىن ايتتى. ولار – قۇرىلىس، اۋىل شارۋاشىلىعى جانە وڭدەۋ ونەركاسىبى سالالارى. دايىن ءونىم ەكسپورتى ۇلعايدى. جىلدىق ينفلياتسيا 7%-عا دەيىن باسەڭدەدى. تاۋار ءوندىرىسى 1،7%-عا ءوستى.

سونىمەن بىرگە كورسەتىلەتىن قىزمەتتەر 6،1%-عا قىسقاردى. سونىڭ سالدارىنان ءىجو 3%-عا تومەندەدى.

«ناقتى سەكتور باسەكەگە قابىلەتتىلىكتىڭ جاقسى ناتيجەلەرىن كورسەتۋدە. ماسەلەن، ەسەپتى كەزەڭدە اۆتوموبيل جاساۋ – 51،8%-عا، فارماتسەۆتيكا – 34،1%-عا، دايىن مەتالل بۇيىمدار – 18،8%، قاعاز ونىمدەرى –15،3%، جەڭىل ونەركاسىپ 11% ءوستى»، دەدى ر. دالەنوۆ.

دايىن ونىمدەردىڭ ەكسپورتى ۇلعايۋدا. جەتى ايدا اۆتوموبيل ەكسپورتى – 7 ەسەگە، فەرروسيليتسي – 6 ەسەگە، كۇنباعىس مايى – 1،7 ەسەگە، تيتان قۇيمالارى ەكسپورتى 20،5%-عا ءوستى. ەسەپتى كەزەڭدە الەمنىڭ 105 ەلىنە ەكسپورت جاسالدى. رەسپۋبليكا بويىنشا تۇرعىن ءۇيدى پايدالانۋعا بەرۋ 6،4%-عا ءوستى.

جەتى ايدا سىرتقى ساۋدا اينالىمى 48،7 ملرد دوللاردى قۇرادى. ەكسپورت – 28،6 ملرد دوللار، يمپورت 20،1 ملرد دوللار بولدى. ساۋدا بالانسىنىڭ وڭ سالدوسى 8،5 ملرد دوللار دەڭگەيىندە ساقتالدى. ونەركاسىپ ءوندىرىسى 0،4%-عا ءوستى. ءوسىم وڭدەۋ ونەركاسىبىنىڭ 3،3%-عا ارتۋى ەسەبىنەن بولدى.  ال كەن ءوندىرۋ ونەركاسىبى 1،5%-عا تومەندەدى.

ونەركاسىپ بويىنشا ءوسىم وڭىرلەردىڭ كوبىندە بايقالادى. ەڭ جوعارى ءوسىمدى قوستاناي، سولتۇستىك قازاقستان وبلىستارى جانە نۇر-سۇلتان قالاسى كورسەتتى.

وڭدەۋ ونەركاسىبى  ءوسىمىنىڭ (3،3%) جوعارى قارقىنىن فارماتسەۆتيكا، دايىن مەتالل بۇيىمدارى، ماشينا جاساۋ، ونىڭ ىشىندە اۆتوموبيل جانە جەڭىل ونەركاسىپ كورسەتىپ وتىر. وڭىرلەر بويىنشا جوعارى ءوسىم قوستاناي، تۇركىستان، سولتۇستىك قازاقستان وبلىستارىندا بايقالادى.

نەگىزگى كاپيتالعا 7 ترلن تەڭگە سوماسىندا ينۆەستيتسيالار تارتىلدى. 13 ءوڭىر ءوسىم كورسەتتى. اقمولا، تۇركىستان وبلىستارىندا جانە شىمكەنت قالاسىندا ينۆەستيتسيالار كولەمى ەداۋىر ارتتى.

قۇرىلىس جۇمىستارىنىڭ جوعارى ءوسىمى تۇركىستان وبلىسىندا جانە شىمكەنت قالاسىندا بايقالادى.

ەلىمىزدە 8،1 ملن شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 6،4%-عا كوپ.

ۇلتتىق بانكتىڭ توراعاسى ەربولات دوساەۆتىڭ ايتۋىنشا، بيىلعى تامىزدا جىلدىق ينفلياتسيا ازىق-ت ۇلىك زاتتارىنىڭ تومەندەۋى ەسەبىنەن 7،1%-دان 7%-عا دەيىن تومەندەدى. ۇلتتىق بانكتىڭ قارجىلاندىرۋ ەسەبىنەن تۇرعىن ءۇي قۇرىلىسىن قولداۋ جالعاسۋدا. 3 قىركۇيەكتەگى جاعداي بويىنشا «7-20-25» باعدارلاماسى بويىنشا 257،7 ملرد تەڭگەگە 22 046 ءوتىنىم ماقۇلداندى، ونىڭ ىشىندە 206،2 ملرد تەڭگە سوماسىنا 17 780 قارىز بەرىلدى. «باسپانا حيت» نارىقتىق يپوتەكالىق باعدارلاماسى بويىنشا 330،9 ملرد تەڭگە سوماسىنا 38 384 ءوتىنىم ماقۇلداندى، 259،7 ملرد تەڭگەگە 30 934 قارىز بەرىلدى.

بيىل قاڭتار-شىلدەدە ونلاين-ساۋدانىڭ ءوسۋى اياسىندا قازاقستاندىق ەميتەنتتەردىڭ تولەم كارتوچكالارىن پايدالانا وتىرىپ جاسالعان ترانزاكتسيالار كولەمى وتكەن جىلدىڭ ۇقساس كەزەڭىمەن سالىستىرعاندا 24،6 ترلن تەڭگەگە دەيىن، ياعني 58،9%-عا ۇلعايدى. بۇل رەتتە قولما-قول اقشاسىز ترانزاكتسيالار سانى 2،2 ەسە، ال سوماسى 2،5 ەسە ءوستى. بۇل وپەراتسيالاردىڭ نەگىزگى ۇلەسى ونلاين تاسىلمەن جۇرگىزىلدى.

ۇلتتىق بانك قولما-قول اقشاسىز جاسالاتىن ەسەپ ايىرىسۋلاردى كەڭەيتۋ ءۇشىن بيىلعى تامىزدا جىلجىمايتىن م ۇلىكپەن مامىلەلەردى قولما-قول اقشاسىز تولەۋدىڭ جاڭا تەتىگىن ەنگىزۋ ارقىلى ءىرى مامىلەلەردى قولما-قول اقشاسىز جاسالاتىن ەسەپ ايىرىسۋعا اۋىس­تىرۋدى باستادى.  جاڭا تەتىك مامىلە جاساۋ پروتسەسىن تەز جانە قولايلى ەتۋگە مۇمكىندىك بەرەدى، ەلدە كورسەتىلەتىن قىزمەتتى تسيفر­لاندىرۋ دەڭگەيىن ارتتىرادى، الاياقتىق تاۋەكەلىن تومەندەتە جانە كولەڭكەلى ەكونوميكانى تومەندەتۋگە جاردەمدەسە وتىرىپ، ءىرى وپەراتسيالار بويىنشا ەسەپ ايىرىسۋلاردىڭ قاۋىپسىزدىگىن ەداۋىر ارتتىرادى.

 

بيۋدجەتتىڭ 8 ايداعى  يگەرىلۋى

2020 جىلدىڭ 8 ايىنداعى رەسپۋبليكالىق بيۋدجەتتىڭ ورىندالۋى تۋرالى بايانداعان قارجى ءمينيسترى ەرۇلان جاماۋباەۆ وسى كەزەڭدە مەملەكەتتىك بيۋدجەتكە –  5،5 ترلن تەڭگە، رەسپۋبليكالىق بيۋدجەتكە 3 ترلن 455 ملرد تەڭگە كىرىس تۇسكەنىن ايتتى. كىرىس بويىنشا جوسپاردىڭ اتقارىلماۋى 610 ملرد تەڭگەنى قۇرادى. باستى سەبەپ – قوسىلعان قۇن سالىعى جانە كورپوراتيۆتىك تابىس سالىعى جونىندەگى جوسپار تولىق ورىندالمادى.

ال جەرگىلىكتى بيۋدجەتتەردىڭ مەنشىكتى كىرىستەرى 121%-عا ورىندالىپ، 2 ترلن تەڭگەدەن استى. جوسپار 353 ملرد تەڭگەگە اسىرا ورىندالدى. بارلىق وڭىرلەردە كىرىستەر جوسپارلارى اسىرا ورىندالدى.

مەملەكەتتىك بيۋدجەتتىڭ شىعىستارى 98،8%-عا، رەسپۋبليكالىق بيۋدجەتتىڭ شىعىستارى 99،5%-عا، جەرگىلىكتى بيۋدجەتتەردىڭ شىعىستارى 98،4%-عا اتقارىلدى.

رەسپۋبليكالىق بيۋدجەتتىڭ شىعىستارى 9 ترلن 251 ملرد تەڭگەنى قۇرادى. 45 ملرد تەڭگە اتقارىلماعان. ونىڭ ىشىندە ۇنەمدەلگەنى – 17 ملرد تەڭگە، يگەرىلمەگەنى – 28 ملرد تەڭگە. «يگەرىلمەۋدىڭ نەگىزگى سەبەپتەرى كونكۋرستىق راسىمدەردى، شارتتاردى جاساسۋ راسىمدەرىن ۇزاق جانە ۋاقتىلى وتكىزبەۋ، ورىندالعان جۇمىستار اكتىلەرىن ۇسىنباۋ، كارانتيندىك شەكتەۋلەرگە بايلانىستى تاۋارلاردى جەتكىزبەۋ، ناقتى كورسەتىلگەن قىزمەتتەر كولەمى، ورىندالعان جۇمىستار ءۇشىن اقى تولەۋ، سونداي-اق رەسپۋبليكالىق بيۋدجەتتىڭ قولما-قول اقشانى باقىلاۋ شوتىنداعى قاراجاتتىڭ جەتكىلىكسىزدىگىنە بايلانىستى»، دەدى مينيستر.

اۋىل شارۋاشىلىعى ءمينيسترى ساپارحان وماروۆ قاڭتار-تامىزدا ەلىمىزدىڭ  جالپى اۋىل شارۋاشىلىعى ءونىمىنىڭ كولەمى 4،9%-عا ۇلعايىپ، 2،4 ترلن تەڭگەنى قۇراعانىن ايتتى. «اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيا 9،1%-عا ۇلعايىپ 292 ملرد تەڭگەنى، تاماق ونىمدەرى وندىرىسىنە سالىنعان ينۆەستيتسيا 25،4%-عا ارتىپ، 54،7 ملرد تەڭگەنى قۇرادى»، دەدى ول.

سەگىز ايداعى الەۋمەتتىك-ەكونوميكالىق جاعداي تۋرالى ماسەلەنى ۇكىمەت باسشىسى قورىتىندىلادى. ول قابىلدانىپ جاتقان شارالاردىڭ ارقاسىندا ەكونوميكانىڭ نەگىزگى سالالارىندا ءوسۋدىڭ وڭ سەرپىنى ساقتالىپ وتىرعانىن اتاپ كورسەتتى. وڭدەۋ ونەركاسىبىندە ءوسىم 3،3 %-عا، ونىڭ ىشىندە ماشينا جاساۋدا – 16،3%، تاماق ونىمدەرىنىڭ وندىرىسىندە – 3،6%، فارماتسەۆتيكادا – 34،1%، جەڭىل ونەركاسىپتە – 11%، حيميا ونەركاسىبىندە – 3،1% جانە دايىن مەتالل بۇيىمدارىنىڭ وندىرىسىندە 18،8% ءوسىم قامتاماسىز ەتىلدى. قۇرىلىس كولەمى 6،5%-عا ارتتى، تۇرعىن ۇيلەردىڭ 6،4% نەمەسە شامامەن 8،1 ملن شارشى مەتر پايدالانۋعا بەرىلدى. اۋىل شارۋاشىلىعىندا تۇراقتى ءوسىم 4،9% دەڭگەيىندە قامتاماسىز ەتىلدى.

بيىلعى 1 تامىزداعى مالىمەت بويىنشا التىن-ۆاليۋتا رەزەرۆى جىل باسىنان بەرى 22،2%-عا ارتىپ، 35،4 ملرد دوللاردى قۇرادى.  وپەك+ ۇيىمىمەن اراداعى كەلىسىمدەردى ورىنداۋ قاجەتتىگىنە بايلانىستى مۇناي ءوندىرىسى تومەندەدى. سونىمەن قاتار تاۋ-كەن سەكتورىنىڭ باسقا ماڭىزدى باعىتتارىندا وڭ سەرپىن ساقتالىپ وتىر، كومىر ءوندىرۋ – 1،2%-عا، مەتالل كەنىن ءوندىرۋ – 1،3%-عا ارتتى.

قىزمەت كورسەتۋ سەكتورىندا، سونىڭ ىشىندە كولىك پەن ساۋدا سالاسىندا كورسەتكىشتەر تومەندەدى. بۇل قاتاڭ كارانتيندىك شەكتەۋ شارالارىنىڭ تەك 17 تامىزدا عانا الىن­ۋىنا بايلانىستى. اقمولا، الماتى، شىعىس قازاقستان، جامبىل، قوستاناي، ماڭعىستاۋ جانە سولتۇستىك قازاقستان، پاۆلودار وبلىستارى جەتى كورسەتكىشتىڭ بەسەۋى بويىنشا الەۋمەتتىك-ەكونوميكالىق دامۋدىڭ ءوسۋىن قامتاماسىز ەتتى. اقتوبە، قاراعاندى، تۇركىستان وبلىستارى جانە نۇر-سۇلتان، الماتى، شىمكەنت قالالارىندا ءتورت كورسەتكىش بو­يىنشا وڭ سەرپىن بايقالدى.

«وڭىرلەر مەملەكەت باسشىسىنىڭ قا­زاق­ستان حالقىنا جولداۋىندا العا قويىلعان بارلىق مىندەتتەردى ءتيىمدى ىسكە اسىرۋدى قامتاماسىز ەتۋى ءۇشىن جۇمىستى جانداندىرۋى كەرەك»، دەدى ا.مامين. ۇكىمەت باسشىسى ورتالىق جانە جەرگىلىكتى ورگانداردىڭ باسشىلارىنا قاراجاتتى ۋاقىتىلى جانە ءوز ماقساتىنا پايدالانۋ جونىندە شارالار قابىلداۋمەن بيۋدجەت قاراجاتىنىڭ ءتيىمدى يگەرىلۋىن قامتاماسىز ەتۋدى تاپسىردى.

 

ەپيدەميالىق احۋال تۇراقتاندى

دەنساۋلىق ساقتاۋ ءمينيسترى ا.تسوي ۋاقتى­لى قابىلدانعان شارالاردىڭ ارقاسىندا كوروناۆيرۋسقا قاتىستى جاعداي تۇراقتانعانىن باياندادى. كوروناۆيرۋس ينفەكتسياسى مەن ۆيرۋس­تىق پنەۆمونيانىڭ تاۋلىكتىك ءوسۋى 0،5% شەگىندە. بۇگىنگى تاڭدا ينفەكتسيانى جۇق­تىرعان ادامداردىڭ 94%-ى ەمدەلىپ شىقتى، اۋرۋحانالاردىڭ جۇكتەمەسى – 15%. جەدەل جار­دەم شاقىرۋ 80%-عا دەيىن تومەندەدى. اۋرۋ­حاناداعى ورىنداردى 50 مىڭعا دەيىن ارتتىرۋ ماسەلەسى پىسىقتالۋدا. وڭىرلەردە 12 جۇقپالى اۋرۋلار اۋرۋحاناسى سالىنىپ جاتىر، 2 ستاتسيو­نار قايتا جوندەلۋدە.  اۋىلدىق جەرلەردەگى مەديتسينالىق كومەكتىڭ قولجەتىمدىلىگىن قامتاماسىز ەتۋ جۇمىستارى جۇرگىزىلۋدە.

اۋداندىق اۋرۋحانالاردا 132 رەنتگەن اپپاراتى ورناتىلدى. بيىل 1 قازانعا دەيىن قوسىمشا 100 جىلجىمالى مەديتسينالىق كەشەن ساتىپ الىنادى.  ەلىمىزدە جەكە قورعانىش قۇرالدارى مەن ءدارى-دارمەكتەردىڭ جەتكىلىكتى قورى جاسالدى، تاپشىلىق بولمايدى. ونىڭ ۇستىنە، تامىز ايىنان بەرى اۋرۋحانالاردا ۆيرۋستىق ينفەكتسيادان ەمدەلۋ ءۇشىن حالىققا تەگىن ءدارى-دارمەك بەرىلىپ جاتىر. پتر تەستىلەۋ مۇمكىندىگى تاۋلىگىنە 40 مىڭعا دەيىن ارتتى، ەندى 63 مىڭعا دەيىن جەتكىزىلۋى مۇمكىن. ۆاكتسينا ساتىپ الۋ جانە وزىمىزدە ۆاكتسينا جاساپ شىعارۋ جونىندە كەلىسسوزدەر وتكىزىلدى. 15 قىركۇيەكتەن باستاپ تۇرعىندارعا تۇماۋعا قارسى ەكپە جاسالادى. 

ماسەلەنى ۇكىمەت باسشىسى قورىتىندىلادى. «جالپى، ۇكىمەت تاراپىنان اۋقىمدى جۇيەلى جۇمىس جۇرگىزىلۋدە. قابىلدانعان شارالاردىڭ ناتيجەسىندە ءبىز ەلىمىز ءۇشىن كۇردەلى كەزەڭدى ەڭسەردىك جانە اۋرۋدىڭ تارالۋ دەڭگەيىن تومەندەتۋ قامتاماسىز ەتىلدى. باستىسى، بىزدەگى دەنساۋلىق ساقتاۋ جۇيەسى كوروناۆيرۋس جۇقتىرعانداردى ەمدەۋ بويىنشا زور تاجىريبە الدى. بارلىق قابىلدانىپ جاتقان شارالار كۇزدە پايدا بولۋى مۇمكىن پاندەميانىڭ جاڭا تولقىنىنا جانە ماۋسىمدىق اۋرۋلارعا قارسى كۇرەسۋگە جاعداي جاسايدى. ارينە، سانيتارلىق تالاپتاردى قاتاڭ ساقتاۋ كەرەك»، دەدى ا. مامين.

ۇكىمەت باسشىسى الەمدەگى ەپيدەميانىڭ تۇراقسىزدىعىن ەسكەرىپ، ۆيرۋستىڭ قايتادان ءورشۋ مۇمكىندىگىنە دايىندىق جۇمىستارىن جالعاستىرۋ جانە كەيبىر شەكتەۋ شارالارىن ساقتاۋ قاجەت ەكەنىن اتاپ ءوتتى. 

پرەمەر-مينيستر وڭىرلەردىڭ اكىمدەرىنە ەپيدەميالىق جاعدايدى ەرەكشە باقىلاۋدا ۇستاپ، بارلىق سانيتارلىق نورمالاردى قاتاڭ ساقتاۋدى، ۆيرۋستىڭ تارالۋى مەن اۋرۋ جۇقتىرۋ كورسەتكىشتەرىنىڭ وزگەرۋىنە قاراي جەدەل ءارى ناقتى ارەكەت ەتۋدى، ينفراقۇرىلىمدى دايىنداۋ شارالارىن قابىلداپ، بارلىق ساتىداعى مەديتسينا قىزمەتكەرلەرىنىڭ قاۋىپسىزدىگىن قامتاماسىز ەتۋدى تاپسىردى. دەنساۋلىق ساقتاۋ مينيسترلىگىنە مۇددەلى مەملەكەتتىك ورگاندارمەن بىرگە حالىق اراسىندا پروفيلاكتيكالىق جۇمىستى كۇشەيتۋ جۇكتەلدى. 

 

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

تاۋەلسىزدىك تۇلعالارى

ەلوردا • بۇگىن، 09:16

ايدا – الەم چەمپيونى!

سپورت • بۇگىن، 09:14

الماتى قالاسى «سارى» ايماققا ءوتتى

كوروناۆيرۋس • بۇگىن، 09:09

«اق بيداي» ويىندارى اياقتالدى

ۇلتتىق سپورت • بۇگىن، 09:03

جاستار جاردەمى

ايماقتار • بۇگىن، 08:55

سەنىم ارت ماعان، تۋعان ەل!

ايماقتار • بۇگىن، 08:54

ساقتانعان ساۋ قالادى

مەديتسينا • بۇگىن، 08:47

وقۋشىلارعا اباي بولايىق

ايماقتار • بۇگىن، 08:42

ۇقساس جاڭالىقتار