ايماقتار • 09 قىركۇيەك، 2020

الماتىدا سەنىم كابينەتتەرى اشىلادى

20 رەت كورسەتىلدى

11 قىركۇيەكتە الماتىدا ۇلتتىق وتباسى كۇنىن مەرەكەلەۋگە وراي داعدارىس جاعدايىندا قالعان جاس وتباسىلار ءۇشىن 5 سەنىم كابينەتى اشىلادى، دەپ حابارلايدى Egemen.kz الماتى وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.

سەنىم كابينەتتەرىندە جاستار مەن جاس وتباسىلار جوعارى بىلىكتى پسيحولوگتاردان تەگىن كەڭەس پەن پسيحولوگيالىق قولداۋ الا الادى. وتباسىلىق داعدارىستاردى شىعىنسىز قالاي ەڭسەرۋگە جانە وتباسىن قالاي ساقتاپ قالۋعا بولاتىنىن بىلەدى. پسيحولوگتار جاستار مەن ستۋدەنتتەر ءۇشىن بولاشاق وتباسىلاردا ءتيىمدى كوممۋنيكاتسيا قۇرۋعا، تۇرمىستىق زورلىق-زومبىلىقتىڭ الدىن الۋعا جانە وتباسىلىق قاتىناستاردىڭ باسقا دا اسپەكتىلەرىنە ارنالعان كەزدەسۋلەر، سەمينار-ترەنينگتەر مەن دارىستەر وتكىزەدى.
 
وتباسى-قوعامنىڭ نەگىزگى الەۋمەتتىك ينستيتۋتى. وتباسىنىڭ اۋىر قارجىلىق جاعدايى، ونىڭ تۇرمىستىق پروبلەمالارى قازاقستاندىق قوعام ءومىرىنىڭ بارلىق باسقا سالالارىنا تەرىس اسەر ەتەدى. جوبانىڭ نەگىزگى ماقساتى-الماتى قالاسىنداعى وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ.
 
سەنىم كابينەتتەرى سانيتارلىق-ەپيدەميالىق نورمالاردى قاتاڭ ساقتاي وتىرىپ، face-to-face فورماتىندا جانە ونلاين-رەجيمدە جۇمىس ىستەيتىن بولادى.
 
ايتا كەتۋ كەرەك، مەملەكەت باسشىسى قاسىم-جومارت توقاەۆ "قازاقستان جاڭا ناقتى جاعدايدا: ءىس-قيمىل كەزەڭى" اتتى قازاقستان حالقىنا جولداۋىندا وتباسىلىق ساياساتتى دامىتۋعا ەرەكشە نازار اۋداردى.
سوڭعى جاڭالىقتار

ۇقساس جاڭالىقتار