الماتى قالاسىنىڭ يۋۆەنالدى پوليتسيا قىزمەتكەرلەرى قالا كوشەلەرىندە اۆتوكولىكتەردىڭ فارلارىن ءسۇرتىپ جانە جۋىپ جۇرگەن كامەلەتكە تولماعانداردى انىقتاۋ بويىنشا الدىن الا جۇمىستار جۇرگىزدى.
"قابىلدانعان شارالاردىڭ ناتيجەسىندە تامىزدىڭ باسىنان باستاپ وسىنداي 24 وقيعا تىركەلدى. كەلەسى جاعدايدا كامەلەتكە تولماعانداردىڭ جاسى 16-دا بولدى, ياعني ولار قۇقىق بۇزۋشىلىقتىڭ سۋبەكتىسى بولىپ تابىلادى جانە ارەكەتتەرى ءۇشىن جاۋاپكەرشىلىككە تارتىلادى. قازىرگى كۇنى ولارعا قاتىستى قر اقبك 449-بابى بويىنشا اكىمشىلىك حاتتامالار جاسالدى", دەيدى الماتى قالاسى پد جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.
ونىڭ ايتۋىنشا, كامەلەتكە تولماعان بالالاردىڭ اتا-انالارىمەن وسىنداي فاكتىلەرگە جول بەرمەۋ تۋرالى پروفيلاكتيكالىق اڭگىمەلەر جۇرگىزىلەتىنىن اتاپ ءوتتى. الداعى ۋاقىتتا ەرەسەكتەر اتا-انالىق مىندەتتەرىن ورىنداماي, قۇقىق بۇزۋشىلىقتار انىقتالعان جاعدايدا, قر اقبك 127-بابى بويىنشا اكىمشىلىك جاۋاپكەرشىلىككە تارتىلاتىنى تۋرالى ەسكەرتىلدى.
ساۋالناما بارىسىندا اتا-انالاردىڭ كوپشىلىگى بالالارىنىڭ نە ىستەيتىنىن بىلمەيتىندىگىن تىلگە تيەك ەتتى.
