ايتا كەتۋ كەرەك, بۇرىن مۇنداي كۇردەلى وتا نۇر-سۇلتان قالاسىندا جاسالىنىپ جۇرگەنىمەن, جەرگىلىكتى دارىگەرلەر بۇرىن-سوڭدى مۇنداي تاۋەكەلگە بارىپ كورمەگەن ەدى. باۋىر اۋرۋىنىڭ اسقىنعان تۇرىنە شالدىققان ناۋقاستارعا قازىرگى مەديتسيناداعى سوڭعى ادىستەردىڭ ءبىرى – جاسۋشالى تەراپيانىڭ جاڭا باعىتىن قولدانىپ ەم جۇرگىزگەن اقتوبەلىك دارىگەرلەر مەديتسينانىڭ جوعارى تەحنولوگيالىق ادىستەرىن مەڭگەرە باستاعاندارىن دالەلدەدى.
بۇگىن وبلىس اكىمى وڭداسىن ورازالين مەديتسينا ورتالىعىنا بارىپ, وتادان شىققان ەكى ناۋقاستىڭ جاعدايىن سۇراپ كىرىپ شىقتى, سودان كەيىن جاسۋشالى ەمدەۋ تاسىلدەرىن قولدانىپ ەم جۇرگىزەتىن دارىگەرلەرمەن جۇزدەستى. مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ پروفەسسورى سامات ساپارباەۆتىڭ ايتۋىنشا, جاسۋشالى ەمدەۋ ءادىسىن باۋىر, تەرى اۋرۋىنا شالدىققاندار مەن قانت ديابەتىمەن ناۋقاستانعاندارعا دا قولدانۋعا بولادى.
ول باۋىرىنا كۇردەلى وتا جاسالعان ەكى ازاماتقا فەتالدى گەپاتوتسيتتەر ارقىلى ەم جۇرگىزىلگەنىن حابارلادى. دارىگەرلەردىڭ ايتۋىنشا, جاسۋشالى ەمدەۋ ءتاسىلى ناۋقاستاردىڭ وتادان كەيىن اياقتان تەز تۇرۋىنا سەبەپشى, ءارى مەديتسينادا تيىمدىلىگى جوعارى. وڭداسىن ورازالين ەمدەلڭپ جاتقان ازاماتتاردىڭ تەز ساۋىعىپ كەتۋلەرىنە تىلەكتەستىگىن ءبىلدىرىپ, بىلىكتى دارىگەرلەردىڭ قىزمەتىنە ساتتىلىك تىلەدى.
