"قازاقستان مۇعالىمى" ۇلتتىق سىيلىعى – ەلىمىزدىڭ اعارتۋ سالاسىنا زور ۇلەس قوسقان ۇستازعا 10 000 اقش دوللارى كولەمىندە جىل سايىن تاعايىندالاتىن ماراپات. سىيلىقتى تاعايىنداۋشى – "قوعامدىق ماڭىزى بار باستامالاردى دامىتۋ قورى" جق, ول "الەم ۇستازى" جاھاندىق سىيلىعىنىڭ رەسمي سەرىكتەسى.
قوردىڭ ءباسپاسوز قىزمەتى حابارلاعانداي, اقشالاي سىيلىق قورى 1 ملن اقش دوللارىن قۇرايتىن "الەنىڭ ۇزدىك ۇستازى" جاھاندىق سىيلىعىنىڭ ىرىكتەۋ تۋرىنا جەڭىمپازداردىڭ وتىنىمدەرى جىبەرىلىپ, 9 ۇزدىك فينالشى قاتىسادى.
سىيلىققا پەداگوگتىڭ ءوزى, سول سياقتى ونىڭ شاكىرتتەرى دە ءوتىنىم بەرە الادى. "مۇعالىمنىڭ ءوزى ءوتىنىم بەرۋگە قىسىلاتىن, ال ونى شاكىرتتەرى سىيلىققا لايىق دەپ سانايتىن جاعدايلار دا كەزدەسەدى. مۇنداي جاعدايدا وقۋشىلار وزدەرىنىڭ سۇيىكتى ۇستازىنىڭ الەمگە تانىلۋىنا مۇمكىندىك بەرەدى", دەلىنگەن حابارلامادا.
بايقاۋعا قاتىسۋ ءۇشىن پەداگوگتارعا 1 قازانعا دەيىن www.teacherprize.kz رەسمي سايتىنداعى ساۋالنامانى تولتىرۋ قاجەت.
"ەگەر سەن وقۋشى بولساڭ جانە ءوز مۇعالىمىڭدى ماراپاتقا ۇسىنعىڭ كەلسە, ۇستازىڭنىڭ ۇزدىك قاسيەتتەرى تۋرالى ۆيدەو- جانە فوتوماتەريال ءتۇسىرىپ جىبەرە الاسىڭ. ءوز ۆيدەوروليگىڭدى مەكتەپ مۇراعاتىنداعى ماتەريالدارمەن مونتاجداۋعا بولادى جانە پەداگوگ جەڭىپ شىققان جاعدايدا ول بۇكىل الەمدە كورسەتىلەدى", دەپ جازىلعان قوردىڭ حابارلاماسىندا.
جەڭىمپاز بەن 9 فينالشىنى قاراشا ايىندا ءبىلىم جانە ەكولوگيالىق مادەنيەت جونىندەگى فورۋم شەڭبەرىندەگى سالتاناتتى جيىندا جاريالايدى.
