ايماقتار • 08 قىركۇيەك، 2020

سارىاعاش اۋدانىندا ستۋدەنتتەرگە ارنالعان جاڭا جاتاقحانا پايدالانۋعا بەرىلدى

9 رەت كورسەتىلدى

تۇركىستان وبلىسى، سارىاعاش اۋدانىنداعى "ارىستانباب" جوعارى كوللەدجىندە ستۋدەنتتەرگە ارنالعان 100 ورىندىق جاڭا جاتاقحانا پايدالانۋعا بەرىلدى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

2019 جىلى زاماناۋي ۇلگىدە بوي كوتەرگەن جاڭا نىسان بارلىق جابدىقتارمەن قامتاماسىز ەتىلگەن. ەكى قاباتتى نىساننىڭ ءاربىر بولمەسى ءتورت ادامعا ارنالعان. بولمەلەردىڭ ءىشى  جيھازبەن جابدىقتالىپ، جۋىناتىن بولمە سالىنعان.

عيماراتتىڭ اشىلۋ راسىمىنە ارنايى قاتىسقان اۋدان اكىمى مۇحيت وتارشيەۆ  جاڭا جاتاقحانانىڭ سالىنۋى  ستۋدەنتتەر ءۇشىن ماڭىزدى ەكەنىن ايتتى.

"جاڭا عيمارات ستۋدەنتتەردىڭ وقۋىنا جəنە ءوز ۋاقىتتارىن جايلى جاعدايدا وتكىزۋلەرىنە مۇمكىندىك بەرەدى. شالعاي اۋىلداردان كەلىپ ءبىلىم الاتىن ستۋدەنتتەر ءۇشىن بارلىق جاعدايدى جاساۋىمىز قاجەت. وقۋ ورداسىنىڭ ستۋدەنتتەرى ءبىلىمدى جانە بەلدى مامان بولاتىنىنا سەنەمىن"، – دەدى ول.

ايتا كەتەيىك، قازىرگى تاڭدا اتالعان كوللەدجدە جاستار 12-گۋمانيتارلىق جانە مەديتسينالىق ماماندىقتار بويىنشا ءبىلىم الۋدا. بولاشاقتا مامان بولاتىن 1141 ستۋدەنتكە 70 وقىتۋشى ءدارىس بەرۋدە.

سوڭعى جاڭالىقتار

ۇقساس جاڭالىقتار