2020 جىلى 8 قىركۇيەكتە قازاقستاندا تۇڭعىش رەت وتباسى كۇنى اتالىپ وتىلمەك. وسى مەرەكەگە وراي, سەمەي پوليتسيا باسقارماسىنىڭ قىزمەتكەرلەرى بوروۆايا كوشەسى, 26 ۇيدە تۇراتىن مەكتەپ جاسىنداعى كامەلەتكە تولماعان بەس بالاسى بار كوپ بالالى يسكاكوۆتار وتباسىنا وقۋ قۇرالدارى مەن تاتتىلەر تۇرىندەگى سىيلىقتارىن كوتەرىپ, ارنايى قۇتتىقتاۋعا كەلدى.
- سونداي-اق, پوليتسيا قىزمەتكەرلەرى سۇكەمباەۆتار وتباسىندا دا بولىپ, ولاردى قۋانتتى. وندا مەيرام ەسىمدى انا جالعىز ءوزى ەكى بالا تاربيەلەپ وتىر, ونىڭ 7 سىنىپ وقۋشىسى ۇلى بالا جانە 2 سىنىپتا وقيتىن قىزى بار, دەدى پوليتسيا باسقارماسىنىڭ ءباسپاسوز جەتەكشىسى ەلۋبەك وسپانوۆ.
سەمەيدەگى قايتىس بولعان پوليتسيا قىزمەتكەرلەرىنىڭ دە وتباسىلارى نازاردان تىس قالعان جوق. اتاپ ايتقاندا 15 شاعىن اۋدان, 18 ءۇي, 88 پاتەر مەكەن-جايىندا تۇراتىن ابىلعازينوۆتار جانۇياسى مەن ۆوستوچنىي پراۆىي ساياجايىنداعى, 103-ءىنشى ۇيدە تۇراتىن بۇركىتباەۆتار دا ۇمىتىلعان جوق. 2014 جىلى كوشى-قون قىزمەتىنىڭ اعا ينسپەكتورى پوليتسيا مايورى ابىلعازينوۆا دينا تولىمحانقىزى, قىزىنا بوسانۋ ۇستىندە قايتىس بولعان ەدى. بيىل قىز بالا 6 جاسقا تولىپ, مەكتەپتىڭ دايارلىق سىنىبىنا بارىپ وتىر.
