پىكىر • 08 قىركۇيەك، 2020

اگروونەركاسىپتى قولداۋ بيۋروكراتيادان ارىلسا ەكەن...

13 رەت كورسەتىلدى

مەملەكەت باسشىسى قاسىم-جومارت توقاەۆتىڭ بيىلعى جولداۋىمەن تانىسىپ شىقتىم. وزىمە شاعىن جانە ورتا بيزنەس سالاسىن ساۋىقتىرۋعا قاتىستى ايتىلعان پايىمى، ونىڭ ىشىندە كاسىپكەرلەردى قولداۋ تەتىكتەرىن جەتىلدىرۋ جايىنداعى ويى ۇنادى. ءبىز مۇنى قولدايمىز. ەندى اگروونەركاسىپ كەشەنىن دامىتۋعا قاتىستى بەرىلگەن پرەزيدەنت تاپسىرماسى اياقسىز قالماي، وڭىرلەردە ورىندالسا قۇبا-قۇپ.

اسىرەسە اۋىل شارۋاشىلىعى سەكتورىنا قىزمەت كورسەتەتىن كۆازيمەملەكەتتىك كومپانيالاردىڭ جۇمىسىن وڭتايلاندىرۋ باستاماسىنان ءبىز سياقتى شارۋالار ۇلكەن ءۇمىت كۇتەدى. پرەزيدەنتتىڭ ءوز كاسىبىمە قاتىستى ايتىلعان سىندارلى سوزىنە ريزاشىلىق ءبىلدىرىپ، پىكىرىمدى ايتۋدى ۇيعاردىم. مەن ەلىمىزدىڭ اگروونەركاسىبىن دامتۋعا ءوز ۇلەسىن قوسىپ وتىرعان شارۋا قوجالىعىنىڭ يەسىمىن. الماتى وبلىسىنىڭ پانفيلوۆ اۋدانىندا «شۇكەيت اتا» شارۋا قوجالىعىن اشىپ، مال ءوسىرۋدى كاسىپ ەتكەنىمە ون شاقتى جىلدان استى. وسى ۋاقىت ىشىندە قيىندىقتى ەڭسەرىپ، ەڭسەمىزدى تىكتەپ ۇلگەردىك. مەملەكەت تاراپىنان مال تۇقىمىن اسىلداندىرۋ باستاماسى كوتەرىلگەندە قۋانا قولدادىق. بۇل باعىتتا ۇكىمەت اسىل تۇقىمدى مال باسىن كوبەيتۋ ءۇشىن شارۋالاردى ىنتالاندىرىپ، مال باسىنا سۋبسيديا بەرەدى. ارينە، وتە دۇرىس ءارى قاجەتتى قولداۋ. الايدا وسى جەردە ءىستى جۇزەگە اسىراتىن تەتىكتەردىڭ دۇرىس جۇمىس ىستەمەۋىنەن شارۋالار زارداپ شەگىپ وتىر. ءوز باسىمنان وتكەن جاعداي بولعاسىن مۇنى جاقسى بىلەمىن. مال شارۋاشىلىعىن دامىتۋعا بولىنگەن مەملەكەت قارجىسى جەرگىلىكتى اكىمدىك پەن «قازاگرو» حولدينگى اراسىنداعى جۇيەلى بايلانىس بولماۋىنىڭ كەسىرىنەن ماقساتتى تۇردە جۇمسالماي وتىر. شارۋالاردى سۋبسيديالاۋ دا دەر كەزىندە جۇرگىزىلمەي، ءبىزدىڭ ۇلتتىق كومپانيا مەن اۋىل شارۋاشىلىعى باسقارماسىنىڭ اراسىندا سەندەلىپ جۇرگەنىمىز جاسىرىن ەمەس. ءوز باسىمداعى جاعدايعا توقتالايىن. 2015 جىلى «التىن اسىق» باعدارلاماسى بويىنشا 6 ملن تەڭگە نەسيە الدىم. باعدارلاما شارتى بويىنشا تولەنەتىن 14 پايىزدىڭ 10 پايىزىن مەملەكەت سۋبسيديالاۋى كەرەك. بۇل 6 ملن تەڭگەگە وڭتۇستىك قازاقستان وبلىسىنان 230 باس «ورداباسى» اتتى اسىل تۇقىمدى قوي ساتىپ الدىم. 2016 جىلى قازان ايىندا العان نەسيەمنىڭ سىياقىسىمەن نەگىزگى بورىش بەرەشەگى، ياعني 1 ملن 200 مىڭ تەڭگەنى بانككە قۇيدىم. وبلىستىق اۋىل شارۋاشىلىعى باسقارماسى نەسيەنى باعدارلاما بويىنشا سۋبسيديالاۋى ءتيىس بولاتىن. وكىنىشتىسى، «قازاگرو» كومپانياسى ماماندارىنىڭ بىلىكسىزدىگى مەن بيۋروكراتيانىڭ كەسىرىنەن وتەماقى الا الماي ءجۇرمىن. بىرنەشە رەت سوتتاستىم، جاقىندا ءىس مەنىڭ پايداما شەشىلىپ، وبلىستىق اۋىل شارۋاشىلىعى باسقارماسى 2016 جىلدىڭ قارجىسىن تولەۋدى مىندەتىنە الدى. بۇل جەردەگى كىنا ۇلتتىق كومپانيانىڭ شارۋالارعا نەسيە بەرۋ كەزىندەگى ەرەكشەلىكتەردى ەسكەرمەۋىنەن بولىپ وتىر. ياعني «قازاگرو» كەڭسەلەرىندە مال شارۋاشىلىعىنىڭ جاعدايىنان بەيحابار ماماندار وتىر دەگەن ءسوز. ال كومپانيانىڭ قىزمەتى مەملەكەت قارجىسىن تاراتىپ، ونى وسىممەن جيناپ الۋ ەمەس قوي؟ ءارى بۇل جەردە شارۋا قوجالىعى، جەرگىلىكتى اكىمدىك جانە ۇلتتىق كومپانيا اراسىندا جۇيەلى بايلانىس جوق. ورتاق دەرەكقور دا جاسالماعان. سونىڭ كەسىرىنەن ءبىر عانا الماتى وبلىسىندا قانشاما شارۋا زارداپ شەگىپ جۇرگەنىن بىلەمىن. ونىڭ ۇستىنە «قازاگرو» كومپانياسىنىڭ نەسيە بەرۋى ەكىنشى دەڭگەيلى بانكتەردىڭ جۇمىسىن قايتالايدى. مەن ءوزىم وتىزعا جۋىق انىقتاما جيناپ، وتكىزگەنىمدى بىلەمىن.

مۇنى نەگە ايتىپ وتىرمىن؟ جولداۋدا قاسىم-جومارت توقاەۆ «كۆازيمەملەكەتتىك سەكتوردا اكىمشىلىك-باسقارۋ جۇمىسىمەن اينالىساتىن قىزمەتكەرلەردىڭ سانىن، پايداسىز شىعىنداردى جانە باسى ارتىق ەنشىلەس كومپانيالاردى قىسقارتۋ جۇمىستارى جالعاسىن تابۋعا ءتيىس...» دەپ ايتىپ ءوتتى. وتە ورىندى پايىم. ەندى اگروونەركاسىپتى مەملەكەتتىك قولداۋ سەرپىن الاتىنىنا سەنگىمىز كەلەدى. ەڭبەگىمىز اقتالسا، ەلدىڭ قازىناسىنا قوسار ۇلەسىمىز دە ەسەلەپ ارتاتىن بولادى.

 

مۇحتار احانوۆ،

«شۇكەيىت اتا» شارۋا قوجالىعىنىڭ باسشىسى

 

الماتى وبلىسى،

پانفيلوۆ اۋدانى

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

ۇقساس جاڭالىقتار