وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, ەكىباستۇزدان التى شاقىرىم جەردە گورنياك اۋىلى باعىتىنداعى تاسجولدا اۆتوكولىك 1988 جىلى تۋعان ايەلدى قاعىپ كەتكەن.
"وكىنىشكە قاراي, جەدەل جاردەم كەلگەنگە دەيىن ايەل ادامنىڭ بيولوگيالىق ءولىمى انىقتالدى", - دەلىنگەن حابارلامادا.
پاۆلوداردا اباي مەن تولستوي كوشەلەرىنىڭ قيىلىسىندا جول اپاتىنان 2015 جانە 2019 جىلى تۋعان ەكى بالا زارداپ شەكتى. ءبىر جاسار قىز بالانىڭ دەنەسىنىڭ وڭ جاعىندا جاراقاتتار بار, ال بەس جاسار بالانىڭ سول تىزەسى جاراقاتتانعان. ولار وبلىستىق بالالار اۋرۋحاناسىنا جەتكىزىلدى. سونداي-اق اپات كەزىندە 1973 جىلى تۋعان ايەل ادام وڭ جاق بىلەك بۋىنىنىڭ جابىق سىنۋى مەن جۇمساق تىندەردىڭ جاراقاتىن العان. ول №1 قالالىق اۋرۋحانادا جاتىر.
پاۆلوداردا جول اپاتىنان تاعى ەكى ءجاسوسپىرىم جاراقات الدى. سەنبى كۇنى تۇندە جولاۋشىلار كولىگى باعانعا سوعىلىپ, اۋدارىلىپ قالدى. 1969 جىلى تۋعان ايەل ادام باس جاراقاتتارىن الىپ, ميى شايقالعان. ول №1 قالالىق اۋرۋحاناعا جەتكىزىلدى. 13 جانە 16 جاستاعى ەكى ءجاسوسپىرىم شوشىنىپ قالعان جانە جەڭىل جاراقاتتار العان.
سونىمەن قاتار, سەنبى كۇنى قالا ماڭىنداعى پاۆلودار اۋىلىندا ءۇشىنشى كىرەبەرىس جولدا اۆتوكولىك اۋدارىلىپ, 3 ادام زارداپ شەكتى. باس جاراقاتىن العان 1982 جىلى تۋعان ايەل №1 قالالىق اۋرۋحاناعا جەتكىزىلدى. جابىق باس سۇيەك-مي زاقىمدارىن العان 1956 جىلى تۋعان ايەل مەن 1959 جىلى تۋعان ەر ادام اۋرۋحاناعا بارۋدان باس تارتقان.
