"Qazaqstan" ۇلتتىق ارناسىنىڭ 7 تەلەحيكاياسى, "Balapan" ارناسىنىڭ 5 انيماتسيالىق جوباسى اقش-تا كابەلدىك ارنالار, ال لاتىن امەريكاسى ەلدەرىندە VOD جانە ونلاين-كانالدار ارقىلى كورسەتىلەدى. ەندى "عازيز جۇرەك", "ورالۋ", "قاشقىن", "جاڭعىرىق", "47 بالانىڭ اناسى", "شىراعىم", "ساعان سەنەمىن" تەلەحيكايالارى مەن "Balapan" تەلەارناسىنىڭ "تىنىمسىز شوجەلەر", ء"سابي", "ەركەلەر", "شاحمات پاتشالىعى", "پىراقتار" انيماتسيالىق جوبالارى اتالعان ەلدەردە اعىلشىن, يسپان جانە پورتۋگال تىلدەرىندە كورسەتىلەدى.
كەلىسىمشارت اقش-تىڭ جەلىلىك جانە سپۋتنيكتىك حابار تاراتۋ قىزمەتىن جۇزەگە اسىراتىن "Olympusat" كومپانياسىمەن جاسالدى.
سونىمەن قاتار تەلەراديوكورپوراتسيا وندىرگەن بىرقاتار جوبالار تمد-داعى ەڭ ۇزدىك ونلاين-كينوتەاتر سانالاتىن IVI.RU پلاتفورماسىنا جۇكتەلەدى. بۇدان بىلاي "تەكەتىرەس", "ابىسىندار", "جانىم مەنىڭ", "قازبات", "قاناتسىز قۇستار", "عازيز جۇرەك", "شىراعىم", "ۇزىلمەس ءۇمىت" سەريالدارى مەن "كۇلكى ىزدەگەن كۇنەكەي", ء"سابي", "ەركەلەر" مۋلتسەريالدارىن اتالعان پلاتفورمادان تاماشالاۋعا بولادى. IVI.RU پلاتفورماسىنىڭ كونتەنتى ءبىر ايدا 50 ميلليونعا جۋىق قارالىم جينايدى.
ال وتاندىق "اكە", "شىراعىم" تەلەحيكايالارى بۇكىلالەمدىك "Amazon Prime" پلاتفورماسىندا كورسەتىلە باستايدى.
"كورپوراتسيانىڭ وتاندىق ءوندىرىستى ناتيجەلى جولعا قويۋى سىرتقى تەلەنارىققا شىعۋعا مۇمكىندىك بەرىپ وتىر. تەلەحيكايالاردان بولەك, تۇركيانىڭ ەڭ ءىرى مەدياقۇرىلىمى TRT ارناسى تەلەراديوكورپوراتسيا تۇسىرگەن "كوشپەندىلەر", "عاسىرلار ءۇنى", "ۇلت ماقتانىشى", "قازاق دالاسىنىڭ قۇپيالارى" دەرەكتى فيلمدەرىن تۇرىك تىلىنە اۋدارىپ, ءوز ەفيرىندە كورسەتپەك. بۇل – وتاندىق كينويندۋستريا ءۇشىن ۇلكەن نارىق. بۇعان قوسا, ءدال قازىرگى ۋاقىتتا ءبىزدىڭ سەريالدار قىرعىز رەسپۋبليكاسى, وزبەكستان, تاتارستان ارنالارىندا كورسەتىلۋدە. ءوز ونىمدەرىمىزدى سىرتقا ساتۋدان بولەك, جاڭا ماۋسىمنان باستاپ, BBC, Discovery-ءدىڭ ەڭ تاڭداۋلى جوبالارىن قازاق تىلىنە اۋدارىپ, "Qazaqstan" جانە "Abai tv" ارنالارىنىڭ ەفيرىنەن بەرمەكپىز", - دەدى "قازاقستان" رترك اق باسقارما ءتورايىمى ل.تانىسباي ءوز سوزىندە. سونداي-اق بۇل جونىندە ءتيىستى كەلىسىمدەردىڭ جاسالعانان اتاپ ءوتتى.
كۇزگى تەلەماۋسىمدا "Qazaqstan" ۇلتتىق تەلەارناسىنان 14 جاڭا تەلەحيكايا, "Balapan" ارناسىنان جالپى سانى 253 بولىمنەن تۇراتىن 17 انيماتسيالىق جوبا ۇسىنىلادى.
