الدىمەن, ايماق باسشىسى "انۆار" ساۋدا ۇيىنە باردى. ساۋدا ءۇيىنىڭ سورەسىندە 8 000 تاۋاردىڭ ءتۇرى بار جانە تۇتىنۋشىلارعا ارنالعان 5 كاسسا جۇمىس جاسايدى. ونىڭ ىشىندە 1 كاسسا مۇگەدەك جاندارعا ارنالعان. ساۋدا ۇيىندە الەۋمەتتىك ماڭىزى بار 19 ءتۇرلى تاۋار باعاسى ارنايى بەكىتىلگەن باعامەن ساتىلادى.
قالا اكىمى ايماق باسشىسىنا حالىق ءۇشىن ماڭىزدى الەۋمەتتىك تاۋارلاردىڭ مەجەلى باعاسى رەسپۋبليكالىق باعا تالاپتارىنا سايكەس ساتىلاتىنىن اتاپ ءوتتى.
وبلىس اكىمى مۇنان كەيىن "قىزىلوردا وپتوماركەت" ساۋدا جەلىسىنە كەلدى. ساۋدا ءۇيىنىڭ سورەسىندە جالپى 10 000 تاۋاردىڭ ءتۇرى بار. تۇتىنۋشىلارعا ارنالعان 9 كاسسا جۇمىس جاسايدى. بۇگىندە قالادا ساۋدا جەلىسىنىڭ 5 فيليالى جۇمىس ىستەيدى, 115 ادام تۇراقتى جۇمىسپەن قامتىلىپ, حالىققا قىزمەت كورسەتەدى.
وبلىس اكىمى كۇندەلىكتى قولدانىستاعى ازىق-ت ۇلىك ونىمدەرىنىڭ تاپشىلىعى تۋىنداماۋى كەرەكتىگىن اتاپ ءوتتى. سونداي-اق, قاجەتتى قوردى جاساقتاۋ مىندەتىن قويدى.
وبلىس اكىمى قالاداعى ءىرى جەلى SMALL ساۋدا ۇيىنە دە باردى. ازىق-ت ۇلىك باعالارىنىڭ باعاسىن باقىلادى.
ساۋدا ءۇيىنىڭ سورەسىندە 15 000 تاۋاردىڭ ءتۇرى بار جانە تۇتىنۋشىلارعا ارنالعان 12 كاسسا جۇمىس جاسايدى.
قازىر قالا بويىنشا «SMALL» ساۋدا ءۇيىنىڭ 5 فيليالى جۇمىس جاساپ, 100-گە جۋىق ادام تۇراقتى جۇمىسپەن قامتىلعان.
ساۋدا ءۇيىن ارالاۋ ناتيجەسىندە وبلىس اكىمى گۇلشارا ابدىقالىقوۆا قالا اكىمى مەن قىزىلوردا قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ باسشىسىنا اشىق بازارلاردا سانيتارلىق نورمالاردىڭ ساقتالۋىن قاداعالاپ, تۇرعىنداردىڭ بەتپەردە رەجيمىن ساقتاۋىن باقىلاۋعا الۋ قاجەتتىن تاپسىردى. حالىق ءجيى شوعىرلاناتىن ساۋدا نىساندارىندا دەزينفەكتسيالىق شارالار قارقىندى ءجۇرۋى تيىستىگىن ايتتى. سونىمەن بىرگە, ازىق-ت ۇلىك باعاسىن تۇراقتى باقىلاۋدا ۇستاپ, قاجەتتى قوردى الدىن الا جاساقتاۋدى مىندەتتەدى.
