قابىلداۋعا كەلگەن ءال-فارابي اۋدانىنىڭ تۇرعىنى بانۋ كوپباەۆا №8 مەكتەپ ماڭىندا زاڭسىز قۇرىلىس جۇمىستارى جۇرگىزىلىپ, تۇرعىندار مەن وقۋشىلارعا قولايسىزدىق تانىتىپ جاتقانىن ايتتى. قابىلداۋعا كەلگەن ءال-فارابي اۋدانىنىڭ تۇرعىنى بانۋ كوپباەۆا №8 مەكتەپ ماڭىندا زاڭسىز قۇرىلىس جۇمىستارى جۇرگىزىلىپ, تۇرعىندار مەن وقۋشىلارعا قولايسىزدىق تانىتىپ جاتقانىن ايتتى.
"مەن بۇل جايتقا قانىقپىن. اۋدان اكىمىمەن وتكەن اپتادا اتالعان مەكەنجايعا بارىپ, ماسەلەمەن تانىسقان بولاتىنمىن. قازىرگى تاڭدا جەردى قالا قاجەتتىلىگى ءۇشىن مەملەكەتتىك مەنشىككە قايتارۋ جونىندە قاۋلى شىعاردىم. وسىعان سايكەس, الاڭداۋعا نەگىز جوق. قۇرىلىستىڭ توقتاۋىن ءوز باقىلاۋىما العانمىن", - دەدى قالا اكىمى مۇرات ايتەنوۆ.
بۇدان وزگە قابىلداۋدا تۇرعىندار نەگىزىنەن تۇرعىن ءۇي جانە ويىن الاڭشالارى جونىندە ماسەلە قوزعادى. ماسەلەن, ءال-فارابي اۋدانى «سپورت» شاعىن اۋدانىنىڭ تۇرعىنى داناگۇل قوبلانوۆا ءۇيىنىڭ اپاتتى جاعدايدا ەكەنىن ايتىپ, كومەك كورسەتۋىن سۇرادى.
قالا اكىمى زاڭعا سايكەس مەملەكەتتىك ليتسەنزياسى بار جوبالاۋ ۇيىمىنىڭ تەحنيكالىق قورتىندىسىن جانە جەرگىلىكتى ۋاكىلەتتى ورگاننىڭ انىقتاماسىن ۇسىنۋ ارقىلى تۇرعىن ءۇي كەزەگىنە تۇرۋ قاجەتتىگىن ايتتى. باسپانانىڭ كەزەك بويىنشا بەرىلەتىنىن جانە جاڭا پاتەر العان جاعدايدا اپاتتى دەپ تانىلعان ءۇيدى كوممۋنالدىق مەنشىككە وتكىزۋ قاجەتتىگىن اتاپ ءوتتى.
ازاماتتاردىڭ ءاربىر ساۋالىن مۇقيات تىڭداعان شاھار باسشىسى ءتيىستى باسقارما باسشىلارىنا سول ساتتە تاپسىرما بەرىپ, ماسەلەلەردىڭ زاڭ شەڭبەرىندە شەشىمىن تاباتىنىن جەتكىزدى.
