قازاقستاندىق ۆەلوشاباندوز 191 شاقىرىمدىق قاشىقتىقتى 4 ساعات 32 مينۋت 34 سەكۋندتا ءجۇرىپ ءوتتى. ەكىنشى جانە ءۇشىنشى ورىندى يسپانيالىق حەسۋس ەررادا («Cofidis, Solutions Crédits») مەن نيدەرلاندتىق گرەگ ۆان اۆەرمات («CCC Team») يەلەندى. ءبىر ايتا كەتەرىلىگى, بۇل الەكسەي لۋتسەنكونىڭ «تۋر دە فرانستاعى» العاشقى جەڭىسى. ال وتانداستارىمىزدىڭ اراسىنان ايتۋلى جارىستىڭ بەلگىلى ءبىر كەزەڭىندە تەك الەكساندر ۆينوكۋروۆ قانا توپ جارعان بولاتىن. ول وسىدان 10 جىل بۇرىن سول ناتيجەگە قول جەتكىزدى.
جالپى ەسەپتە ادام يەيتس («Mitchelton-Scott») كوش باستاپ كەلەدى. ۇلىبريتانيا وكىلىنىڭ كورسەتكىشى – 27:03:57. ەكىنشى جانە ءۇشىنشى ورىنداردا سلوۆەنيانىڭ قوس سايىپقىرانى – پريموج روگليچ («Team Jumbo-Visma») پەن تادەي پوگاچار (UAE-Team Emirates). ال «استانانىڭ» ۆەلوشاباندوزدارى اراسىنان ەڭ ۇزدىك كورسەتكىش ميگەل انحەل لوپەسكە تيەسىلى. ول ازىرگە10 ورىندى ەنشىلەۋدە.
