تۇركى الەمىنىڭ تانىمال عالىمدارى باس قوسقان شارانىڭ سالتاناتتى اشىلۋىنا اكادەميا باسشىسى دارحان قىدىرالى ارنايى قاتىسىپ, قۇتتىقتاۋ ءسوز سويلەپ, تۇڭعىش قۇرىلتاي جۇمىسىنا ساتتىلىك تىلەدى.
قىركۇيەك ايىنىڭ 4-5 كۇندەرى ارالىعىندا وتەتىن اتالعان ونلاين قۇرىلتايدا ازەربايجان, قازاقستان, قىرعىزستان, تۇركيا جانە وزبەكستان ەلدەرىنىڭ تۇركولوگيا ماماندىعىندا وقيتىن ستۋدەنتتەر تۇركى حالىقتارىنىڭ فولكلورى, ادەبيەتى, ءتىل ءبىلىمى جانە ءداستۇرى باعىتتارىندا بايانداما جاساپ, پىكىر الماسادى.
ايتا كەتۋ كەرەك, مامىر ايىنىڭ اياعىندا حالىقارالىق تۇركى اكادەمياسى تۇركىتانۋ كافەدرالارىنىڭ كەڭەسىن قۇرىپ, العاشقى جيىنىن وتكىزگەن ەدى.
ونلاين فورماتتا وتكەن جيىندا تۇركى تىلدەس ەلدەردىڭ ءتىل ءبىلىم ينستيتۋتتارى مەن تانىمال ۋنيۆەرسيتەتتەرىندەگى تۇركولوگيا كافەدرالارىنىڭ مەڭگەرۋشىلەرى قاتىسىپ, قازىرگى تۇركولوگيا سالاسى بويىنشا ءبىلىم بەرۋ پروتسەسىندەگى ماسەلەلەردى تالقىلاعان بولاتىن. اتالعان تۇڭعىش قۇرىلتاي سول جيىندا قابىلدانعان شەشىمدەردىڭ جۇزەگە اسا باستاعانىنىڭ كورىنىسى.
