پارلامەنت • 04 قىركۇيەك، 2020

ماۋلەن اشىمباەۆ قوس پالاتالى پارلامەنتتىڭ قاجەتتىگى تۋرالى ايتتى

44 رەت كورسەتىلدى

سەنات توراعاسى ماۋلەن اشىمباەۆ قوس پالاتالى زاڭ شىعارۋ ورگانىنىڭ قاجەتتىگى نازار اۋدارىپ، پارتيالىق مۇددەلەر مەن وڭىرلەردىڭ وكىلەتتىگى پارلامەنتتە تەڭەسەتىنىن ايتتى، - دەپ حابارلايدى Egemen.kz.

"حابار 24" تەلەارناسىنىڭ ەفيرىندە سەنات توراعاسىنا قوس پالاتالى پارلامەنتتى ساقتاۋ قاجەتتىگى جانە جوعارعى پالاتاعا سايلاۋ تەتىكتەرىنىڭ ماڭىزى تۋرالى سۇراق قويىلدى. ماۋلەن اشىمباەۆ ساياسي جۇيەنى دامىتۋ جانە ساپالى زاڭدار قابىلداۋ، مەملەكەتتىڭ ستراتەگيالىق مۇددەلەرىن قورعاۋ، سونداي-اق زاڭ شىعارۋ ۇدەرىسىندە بارلىق الەۋمەتتىك توپتار مەن ايماقتاردىڭ پىكىرلەرىن ەسكەرۋ تۇرعىسىندا قازىرگى قولدانىستاعى جۇيە مەيلىنشە دۇرىس ەكەنىن ايتتى. توراعا ەكى پالاتانىڭ قۇرامى قالاي قۇرىلاتىنىن ءتۇسىندىرىپ، سەناتتا پارتيالىق جانە ايماقتىق مۇددەلەر تەڭەلەتىنىن اتاپ ءوتتى.

ء"ماجىلىس – بۇل ساياسي پارتيالار قاتىساتىن سايلاۋ قورىتىندىسى بويىنشا قۇرىلاتىن پالاتا. پارتيالار ءوز تىزىمدەرىن يدەولوگيالىق كوزقاراستارعا، ساياسي ماقساتتار مەن باعدارلامالارعا سايكەس تۇزەدى. سەناتقا وڭىرلەردىڭ وكىلدەرى سايلانادى. بۇل جەردە دەپۋتاتتاردىڭ ۇشتەن ەكىسى وڭىرلەردىڭ وكىلدەرى بولىپ تابىلادى. سەناتقا ءماسليحاتتار ارقىلى ءبىزدىڭ بارلىق وبلىستارىمىزدىڭ، استانامىزدىڭ، الماتى، شىمكەنت قالالارىنىڭ وكىلدەرى سايلانادى. ولار، ەڭ الدىمەن، ءوز ايماعىنان وكىلدىك ەتەدى، سول ايماقتىڭ مۇددەلەرى تۋرالى ايتادى. وسىلايشا، پارلامەنتتە پارتيالىق مۇددەلەر مەن وڭىرلىك ۋاكىلدىك تەڭەسەدى"، – دەدى ماۋلەن اشىمباەۆ.

سەنات توراعاسى ءماجىلىس پەن سەناتتىڭ زاڭ جوبالارىن قاراۋ كەزىندە ساياسي پارتيالاردىڭ دا، وڭىرلەردىڭ دە مۇددەلەرى ەسكەرىلەتىنىن، سوندىقتان زاڭدار مۇقيات پىسىقتالىپ، ساپاسى ارتا تۇسەتىنىن ايتتى. قوس پالاتالى پارلامەنتتەر بۇگىندە تەك قازاقستاندا عانا ەمەس جانە تەك فەدەراتيۆتى مەملەكەتتەردە ەمەس، بارشاعا ورتاق بولىپ وتىر. ەكى پالاتالى پارلامەنتتەر فرانتسيادا، پولشادا، چەحيادا جانە باسقا ۋنيتارلى مەملەكەتتەردە جۇمىس ىستەيدى. سەنات دەپۋتاتتارىن ءماسليحاتتار ارقىلى سايلاۋعا كەلەتىن بولساق، ماۋلەن اشىمباەۆ ولاردى زاڭدى دەپ اتادى. ول سونداي-اق بىرقاتار دامىعان دەموكراتيالىق ەلدەردە ءتىپتى مەملەكەت باسشىلارى جاناما سايلاۋ قۇقىعى ارقىلى سايلاناتىنىن ەسكە سالدى.

"بىزدە كەي كەزدە كەيبىر ساتتەردى سىنعا الىپ جاتادى. دەگەنمەن، دەموكراتيالىق پروتسەستەر تۇرعىسىنان ۇلگى رەتىندە اقش-تى قاراستىرۋدى ادەتكە اينالدىرىپ العانىمىز بەلگىلى. بۇگىندە اقش پرەزيدەنتىن سايلاۋشىلار سايلايدى. ءار شتاتتا سايلاۋشىلاردىڭ بەلگىلى ءبىر سانى بار جانە ولار شتات حالقىنىڭ پىكىرىن ەسكەرە وتىرىپ، پرەزيدەنت ءۇشىن داۋىس بەرەدى"، – دەدى ماۋلەن اشىمباەۆ.

سونىمەن قاتار سەنات توراعاسى پارلامەنت دەپۋتاتتارىنىڭ جاڭا سەسسيا بارىسىندا نە ىستەيتىنى تۋرالى دا ايتىپ بەردى.

"ەڭ الدىمەن، ءبىزدىڭ مىندەتىمىز – ءتيىستى قۇقىقتىق بازانى قامتاماسىز ەتۋ، مەملەكەت باسشىسىنىڭ جولداۋىندا ايتىلعان بارلىق مەجەلەر مەن ۇسىنىستاردى ىسكە اسىرۋ ءۇشىن قاجەتتى زاڭدار قابىلداۋ. جولداۋ – كەشەندى ءارى جۇيەلى قۇجات. وندا ءبىزدىڭ مەملەكەتىمىزدىڭ تىنىس-تىرشىلىگىنىڭ كوپتەگەن سالالارى قامتىلعان جانە ءاربىر سالا بويىنشا اسا ماڭىزدى زاڭداردى قابىلداۋ قاجەت"، – دەدى ماۋلەن اشىمباەۆ.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار