مونەتالار 2020 جىلعى 8 قىركۇيەكتەن باستاپ ساتۋعا تۇسەدى. ولاردى قازاقستان ۇلتتىق بانكىنىڭ بارلىق اۋماقتىق فيليالدارىندا ساتىپ الۋعا بولادى – ولاردىڭ مەكەنجايلارى سايتتا كورسەتىلگەن, سونداي-اق ۇلتتىق بانكتىڭ ينتەرنەت-دۇكەنى ارقىلى ساتىپ الۋعا بولادى.
مونەتالاردىڭ ديزاينىندا "شىعىس كۇنتىزبەسى" سۋبۇرقاعىنىڭ (الماتى) مۇسىندىك كومپوزيتسياسىنىڭ بەينەلەرى پايدالانىلدى. مۇسىندىك كومپوزيتسيا اۆتورلارى: قازاقستاننىڭ ەڭبەك سىڭىرگەن ونەر قايراتكەرى, سۋرەتشى-مونۋمەنتاليست ۆ. تۆەردوحلەبوۆ, ا. تاتارينوۆ جانە ۆ. كاتسەۆ.
مونەتالاردىڭ اۆەرسىندە اسپان الەمىندەگى جۇلدىزدار كارتاسىندا جۇلدىزدار شوعىرىنىڭ ميفولوگيالىق سيمۆولدارى جانە مونەتا دايىندالعان مەتالدى, ونىڭ سىنامى مەن ماسساسىن بىلدىرەتىن جازۋ بەينەلەنگەن. مونەتانى اينالدىرا "قازاقستان رەسپۋبليكاسى" جانە "REPUBLIC OF KAZAKHSTAN" دەگەن جازۋلار, كۇننىڭ ستيلدەندىرىلگەن بەينەسى جانە مونەتانىڭ نومينالى بەينەلەنگەن.
مونەتالاردىڭ رەۆەرسىندە ورتالىق بولىگىندە شىعىس كۇنتىزبەسى بويىنشا 2021 جىلدىڭ سيمۆولى – سيىر بەينەلەنگەن. مونەتانى اينالدىرا "2021", "شىعىس كۇنتىزبەسى", "ۆوستوچنىي كالەندار" جانە "ORIENTAL CALENDAR" دەگەن جازۋلار جازىلعان. مونەتالاردىڭ ىشكى جاعىندا شىعىس كۇنتىزبەسىنىڭ قالعان ون ءبىر سيمۆولى ورنالاسقان.
التىن جانە كۇمىس مونەتالار ون ەكى قىرلى جانە ولاردىڭ بەت جانە سىرت جاعىنداعى بەينەلەرى بىردەي.
نومينالى 500 تەڭگەلىك التىن جانە كۇمىس مونەتالار كوللەكتسيالىق قۇنى بويىنشا ساتۋعا ارنالعان.نومينالى 500 تەڭگەلىك كوللەكتسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
التىن جانە كۇمىس مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
كوللەكتسيالىق مونەتالار قازاقستان تەڭگە سارايىندا دايىندالدى.
