بۇگىن نۇر-سۇلتاندا ەلوردا اكىمىنىڭ ورىنباسارى باقتيار ماكەننىڭ قاتىسۋىمەن Bilim All مەكتەپ وقۋشىلارىن دايارلاۋعا ارنالعان جاڭا از قامتىلعان وتباسى بالالارىنا ارنالعان ءبىلىم بەرۋ ورتالىعىنىڭ اشىلۋى ءوتتى.
ب.ماكەن تۇرعىنداردىڭ الەۋمەتتىك باستامالارىن جۇزەگە اسىرۋ ماڭىزدى ەكەنىن اتاپ ءوتىپ, ورتالىق ۇجىمىنىڭ جۇمىسىنا ساتتىلىك تىلەدى.
ورتالىقتا از قامتىلعان, كوپبالالى جانە قولداۋعا مۇقتاج تولىق ەمەس وتباسىلاردىڭ وقۋشىلارى ءار ءتۇرلى كۋرستاردا قوسىمشا وقۋدان اقىسىز وتە الادى. ورتالىقتا كۇندىزگى توپتار, ورىس, قازاق, اعىلشىن جانە اراب تىلدەرى, ماتەماتيكا كۋرستارى, شاحمات ۇيىرمەسى, ونەر شەبەرحاناسى, گيتارا جانە دومبىرا سىنىپتارى بار.
ء"بىرىنشى ماقساتىمىز – بالالارعا زامان تالابىنا ساي قول جەتىمدى ءبىلىم بەرۋ. ءبىز قازاقستان رەسپۋبليكاسى پرەزيدەنتىنىڭ جولداۋىن, اتاپ ايتقاندا قوسىمشا ءبىلىم بەرۋ اياسىن كەڭەيتۋ تۋرالى ۇسىنىسىن تولىعىمەن قولدايمىز, بۇل جۇمىسپەن ءبىزدىڭ ورتالىق تىكەلەي اينالىسادى", – دەيدى ورتالىق جەتەكشىسى رايگۇل سەرىكباەۆا.
مۇندا بارلىعى 300-گە جۋىق بالا وقي الادى. وقۋ ورتالىعى Strong Mothers Ns قوعامدىق قورى مەن نۇر-سۇلتان قالالىق اكىمدىگىنىڭ قولداۋىمەن اشىلدى.
"مۇندا وتە قىزىق. مۇعالىمدەر ساباقتى جاقسى تۇسىندىرەدى", – دەيدى 7-سىنىپ وقۋشىسى فاتيما شاراپاتوۆا.
"ورتالىقتىڭ اشىلۋىن وتە ۇزاق كۇتتىك. وسى كۋرستارعا بارۋعا مۇمكىندىك بەرگەن Strong Mothers قوعامدىق قورىنا ريزاشىلىعىمدى بىلدىرگىم كەلەدى. قىزىم وسىندا اعىلشىن كۋرسىنا بارادى. العاشقى كۇندەردەن-اق جاقسى ناتيجە كورسەتۋدە, مەكتەپكە دايىندالىپ جاتقان ۇلىمدى دا وسىندا اكەلەمىن", – دەيدى وقۋشىلاردىڭ اناسى انەل.
ايتا كەتەيىك, كوپبالالى انالار اقىسىز نەگىزدە كومپيۋتەرلىك ساۋاتتىلىق بويىنشا قوسىمشا كۋرستاردان وتە الادى. قازىرگى ۋاقىتتا ورتالىقتا جيىرماعا جۋىق انا ءبىلىم الۋدا.
ء"وزىم كوپبالالى انا رەتىندە وسىندا كومپيۋتەرلىك ساۋاتتىلىعىمدى ارتتىرىپ, ءبىراز ناتيجەگە قول جەتكىزدىم. ورتالىقتى اشۋعا قولداۋ بىلدىرگەن اكىمدىككە, قوعامدىق قور مۇشەلەرىنە العىس ايتامىن", – دەيدى گۇلميرا ەسىمدى كوپبالالى انا.
Bilim All ورتالىعى ءۋاليحانوۆ كوشەسى, 3 مەكەن-جايىندا ورنالاسقان. قازىر توپتاردا بەس بالادان كوپ ەمەس. بالانى تىركەۋ ءۇشىن كەڭسەگە كەلىپ, قاجەتتى قۇجاتتاردى تاپسىرۋ كەرەك.
