نۇر-سۇلتان قالاسىنىڭ ج.ناجىمەدەنوۆ كوشەسىندەگى كوپقاباتتى تۇرعىن ءۇيدىڭ بەسىنشى قاباتىنان 2016 جىلى تۋعان بالا قۇلاپ كەتەدى. اۋىر جاراقات العان ول, كەيىن اۋرۋحانادا كوز جۇمدى.
تاعى ءبىر قايعىلى جاعدايدىڭ ءبىرى – اقتاۋدا بولدى. 2017 جىلى تۋعان بالا بەسىنشى قاباتتان قۇلاپ كەتىپ, اۋرۋحانادا قايتىس بولدى.
بۇدان بولەك, پاۆلودار وبلىسىنىڭ قالقامان اۋىلىنداعى تۇرعىن ءۇيدىڭ ءتورتىنشى قاباتىنان 2016 جىلعى بالا قۇلاپ كەتەدى. ءار ءتۇرلى جاراقاتتارىنىڭ سالدارىنان اۋرۋحاناعا جاتقىزىلدى.
كوپ جاعدايدا بالالاردىڭ قۇلاۋى, ولاردىڭ اتا-اناسىنىڭ قاراۋىنسىز قالدىرۋىنان تۋىندايدى. سونداي-اق بالالاردىڭ تەرەزەدەن قۇلاۋى كوبىنە كۇندىزگى ۋاقىتتا بولادى ەكەن.
