قۇرىلىس الاڭىنا قازىردىڭ وزىندە 673 جۇمىسشى مەن 147 بىرلىك تەحنيكا جۇمىلدىرىلعان. جول رەيستەرى بويىنشا ءبىرىنشى كەزەكتە تۇركىستاننان ىستامبۇل, نۇر-سۇلتان, الماتى قالالارىنا ۇشاقتار قاتىناي̆تىن بولادى. سونداي-اق, قاراعاندى, اقتاۋ, اتىراۋ, اقتوبە, مەككەگە اۋە رەيستەرى بولادى دەپ كۇتىلۋدە.
ءوڭىر باسشىسى وبلىس ورتالىعىندا جاڭادان بوي كوتەرگەن "اقجايىق" مۋزىكالىق مەكتەبىندە دە بولدى. وندا وبلىس اكىمىنىڭ ورىنباسارى ساكەن قالقامانوۆ باتىس قازاقستان وبلىسى تارتۋ ەتكەن ەكى قاباتتى مۋزىكالىق مەكتەپتىڭ 550 ورىنعا ەسەپتەلگەن كونتسەرت زالى, كونفەرەنتس زالى, وركەستر, حور سىنىبىنىڭ بولمەلەرىمەن جانە ساز مەكتەپتىڭ جۇمىسىمەن تانىستىردى. ءوڭىر باسشىسى جاس ونەرپازداردىڭ ونەرىن تاماشالادى.
ايماق باسشىسى, سونداي-اق, "Rixos Turkestan" قوناق ءۇي كەشەنىنىڭ قۇرىلىس بارىسىن باقىلادى. بۇگىندە قوناق ءۇيدىڭ قاسبەت جانە اباتتاندىرۋ جۇمىستارى, ىشكى ارلەۋ, سالقىنداتقىش جۇيەسى, ينجەنەرلىك جەلىلەرىن ورناتۋ جۇمىستارى جۇرگىزىلۋدە. نىسان قۇرىلىسىنا 340 جۇمىسشى جۇمىلدىرىلىپ, ەكى اۋىسىمدى جۇمىس ۇيىمداستىرىلعان.
