«كەزەكتى وقۋ جىلىندا سىزدەرمەن قاۋىشقانىما قۋانىشتىمىن!
قازاقستان رەسپۋبليكاسىنىڭ پرەزيدەنتى – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قاسىم-جومارت توقاەۆ ۇلتتىق ءبىلىم بەرۋ جۇيەسىنىڭ دامۋىنا زور كوڭىل بولۋدە.
2019 جىلى تامىز ايىندا وتكەن ء«Bىlىm jáne Ǵylym!» كونفەرەنتسياسىندا پرەزيدەنت ء«بىزدىڭ ماقساتىمىز – ادامي كاپيتال ساپاسىن ارتتىرۋ ءۇشىن ءبىلىم سالاسىندا رەفورمالار قاجەت» ەكەندىگىن ايتىپ كەتتى.
سونىمەن قاتار وسى جىلدىڭ مامىر ايىندا مەملەكەت باسشىسى ۇلتتىق قوعامدىق كەڭەستىڭ ءۇشىنشى وتىرىسىندا ءبىلىم بەرۋ ەكونوميكانىڭ ماڭىزدى سالاسى ەكەنىن اتاپ ءوتتى.
بۇكىلالەمدىك پاندەميا ءومىرىمىزدىڭ بارلىق سالاسىنا, ونىڭ ىشىندە ءبىلىم سالاسىنا دا ءوز تۇزەتۋلەرىن قوستى.
كارانتيندىك شارالار جاعدايىندا ءبىلىم بەرۋ سالاسى ەڭ وسال بولعاندىقتان, مەملەكەتتىك دەڭگەيدە ءبىلىم بەرۋدى دامىتۋ ۆەكتورىنا ايتارلىقتاي تۇزەتۋدى ەنگىزۋ تالاپ ەتىلدى.
اتالعان جاعداي اسكەري ءبىلىم بەرۋ جۇيەسىنە اسەر ەتپەي قويمادى, زامان اعىمىنا ىلەسىپ, قازىرگى زامانعى الەمدەگى اسكەري ونەردىڭ, قارۋ-جاراق پەن اسكەري تەحنيكانىڭ تۇراقتى دامۋ ۇدەرىسىن ەسكەرىپ قانا قويماي, ەلدەگى ءبىلىم بەرۋدىڭ جالپى تەندەنتسيالارىن ەسكەرە وتىرىپ وزگەرۋى كەرەكتىگى بايقالدى.
جاڭا جاعدايلار قورعانىس مينيسترلىگىنىڭ وقۋ پروتسەسىنىڭ بۇزىلۋىن بولدىرماۋ, اسكەري مامانداردىڭ ءبىلىمىن جوعارى دەڭگەيدە ۇستاپ تۇرۋ ءۇشىن جەدەل شارالار قابىلداۋعا نەگىز بولدى.
بيىلعى جىلدىڭ مامىر ايىندا قورعانىس ۆەدومستۆوسىمەن اسكەري قىزمەتشىلەردى شەتەلدە وقىتۋ ءۇشىن سول جاققا جىبەرۋ جۇمىسى جۇرگىزىلدى.
ءبىلىم الۋشىلاردىڭ دەنساۋلىعى مەن ومىرىنە تونگەن قاۋىپ, وقۋ پروتسەسىندە الەۋمەتتىك قاشىقتىقتى ساقتاپ, كارانتين شارالارىن جۇرگىزۋدى تالاپ ەتتى.
پاندەميا جاعدايىندا حيميالىق جانە باكتەريولوگيالىق قورعاۋ, ينجەنەرلىك جانە مەديتسينالىق مامانداردىڭ, ونىڭ ىشىندە رەسەي فەدەراتسياسىنىڭ اسكەري جوو-سىندا وقيتىن اسكەري مامانداردىڭ سانى ارتتى.
وسى جىلى قازاقستان رەسپۋبليكاسى قورعانىس مينيسترلىگى اسكەري وقۋ ورىندارىنا 2000-عا جۋىق ادام وقۋعا ءتۇستى. ونىڭ ىشىندە 700-گە جۋىعى «جاس ۇلان» رەسپۋبليكالىق مەكتەبىنىڭ تاربيەلەنۋشىلەرى.
اسكەري دوكتريناسىنىڭ تالاپتارى اياسىندا اسكەري كادرلاردى دايارلاۋ جۇيەسى يكەمدى جانە ءتيىمدى بولۋى, مەملەكەتتىڭ قازىرگى زامانعى اسكەري ۇيىمىنىڭ قاجەتتىلىكتەرى مەن مىندەتتەرىنە جاۋاپ بەرۋى ءتيىس. ول اسكەري قۇرىلىستىڭ پەرسپەكتيۆالىق مىندەتتەرىمەن, سونداي-اق جاس ۇرپاقتىڭ اسكەري قاقتىعىستارىنىڭ سيپاتىن بولجاۋمەن بايلانىستى بولۋى كەرەك.
ەلدە اسكەري ءبىلىم جانە عىلىم جۇيەسىنىڭ قالىپتاسۋ جىلدارىندا, جوعارى بىلىكتى پروفەسسورلىق-وقىتۋشىلىق قۇرامى, قازىرگى زامانعى وقۋ ماتەريالدىق-تەحنيكالىق بازاسى بار اسكەري وقۋ ورىندارىنىڭ جەلىسى قۇرىلدى. ءبىلىم بەرۋ پروتسەسى مەن اسكەري عىلىمدى ۇيىمداستىرۋدى رەگلامەنتتەيتىن نورماتيۆتىك قۇقىقتىق اكتىلەر ازىرلەندى.
ءسوز سوڭىندا سىزدەرگە مەملەكەتتىڭ اسكەري قاۋىپسىزدىگىن نىعايتۋ جانە وتانىمىز – قازاقستان رەسپۋبليكاسىنىڭ وركەندەۋى ءۇشىن اسكەري ءىستى زەردەلەۋ جانە اسكەري ءبىلىمدى دامىتۋ جولىندا العا قويىلعان ماقساتتارعا قول جەتكىزۋدە شىعارماشىلىق تابىس تىلەيمىن!», – دەدى قورعانىس ءمينيسترى ن.ەرمەكباەۆ.
