«شەتەل ازاماتى كۇش كورسەتۋشىلەردىڭ قولىنان بوساپ شىققان بويدا پوليتسيا قىزمەتكەرلەرىنە ارىزدانعان. پوليتسەيلەر ۇقكد قىزمەتكەرلەرىمەن بىرلەسە جۇرگىزگەن جەدەل-ىزدەستىرۋ شاراسى كەزىندە اتىراۋ قالاسىنىڭ 37 جانە جىلىوي اۋدانىنىڭ 41 جاستاعى تۇرعىنىن ۇستادى. ەكەۋى دە دەسترۋكتيۆتى ءدىني اعىمدى ۇستانۋشىلار ەكەنى ارىقتالدى. كۇدىكتىلەردەن ايعاق زات رەتىندە وزبەكستاننىڭ 44 جاستاعى ازاماتىنان بوپسالاپ العان اقشا تاركىلەندى. ۇستالعانداردىڭ ءبىرى – بۇرىن بىرنەشە رەت سوتتالعان جىلىوي اۋدانىنىڭ تۇرعىنى ۋاقىتشا ۇستاۋ يزولياتورىنا قامالدى. ال ەكىنشى كۇدىكتى ءۇي قاماققا الىندى» -دەپ حابارلادى دەپارتامەنتتىڭ ءباسپاسوز قىزمەتى.
شەتەلدىكتەن اقشا بوپسالاعان ەكى كۇدىكتىگە قاتىستى قر قىلمىستىق كودەكسىنىڭ «بوپسالاۋ» بابىمەن سوتقا دەيىنگى تەرگەۋ باستالدى.
