ءمينيستردىڭ حابارلاۋىنشا, بۇگىنگى تاڭدا «ونەركاسىپتىك ساياسات تۋرالى» زاڭ جوباسى تۇجىرىمداماسىنىڭ جوباسى ازىرلەنۋدە. جوبانى سالالىق قاۋىمداستىقتار, ونەركاسىپتىك كاسىپورىندار جانە مۇددەلى مەملەكەتتىك ورگاندار تالقىلاپ جاتىر.
زاڭ جوباسىندا قولداۋ شارالارىن كەڭەيتۋ, مەملەكەتتىك, كۆازيمەملەكەتتىك سەكتورلار مەن جەر قويناۋىن پايدالانۋشىلار تاراپىنان كەپىلدى ساتىپ الۋدى جۇزەگە اسىرۋ شارالارى كوزدەلگەن. تۇجىرىمداما جىل سوڭىنا دەيىن قابىلدانادى. مينيسترلىك رەتتەلەتىن ساتىپ الۋلارداعى جەرگىلىكتى قامتۋدى دامىتۋعا جانە مەملەكەتتىك ورگاندار, ۇلتتىق كومپانيالار مەن حولدينگتەردىڭ ءبىرىنشى باسشىلارى مەن ورىنباسارلارىنىڭ جاۋاپكەرشىلىگىن كۇشەيتۋگە باعىتتالعان نورماتيۆتىك قۇقىقتىق اكتىلەرگە وزگەرىستەر توپتاماسىن ازىرلەيدى. قارا جانە ءتۇستى مەتاللۋرگيانىڭ, اۆتوموبيل جانە ماشينا جاساۋدىڭ جاڭا بولىنىستەرىن دامىتۋ بويىنشا ۇسىنىستار ازىرلەۋدە وتاندىق شيكىزاتتى قايتا وڭدەۋدى تەرەڭدەتۋ جۇمىستارى ءارى قاراي جۇرگىزىلەدى. الەۋەت $35 ملرد اسادى. مەتاللۋرگيا ونەركاسىبىندە وتاندىق شيكىزات نەگىزىندە جوعارى ءبولىنىستى ونىمدەر ءوندىرىسىن دامىتۋعا باسا نازار اۋدارىلادى.
وتاندىق كاسىپورىنداردى ءتيىمدى باعالارمەن قاجەتتى كولەمدە قامتاماسىز ەتۋ تەتىگىن ازىرلەي وتىرىپ, شيكىزاتقا جىل سايىنعى قاجەتتىلىكتى قالىپتاستىرۋ جوسپارلانىپ وتىر. ب. اتامقۇلوۆ اتاپ وتكەندەي, كەزەكتە تۇرعان ازاماتتاردىڭ باسپانا ماسەلەسىن تەزىرەك شەشۋ ءۇشىن «نۇرلى جەر» باعدارلاماسىندا جەكە تۇرعىن ءۇي قورىنان جالداۋ اقىسىن سۋبسيديالاۋ تەتىگىن قاراستىرۋ ۇسىنىلادى. بۇل ءۇشىن «نۇرلى جەر» باعدارلاماسى اياسىندا جالدامالى تۇرعىن ءۇي قۇرىلىسىنا قاراستىرىلعان قاراجاتتى قايتا باعىتتاۋ ۇسىنىلادى. شامامەن 100 مىڭ ازاماتقا قولداۋ كورسەتىلەدى. اتالعان تەتىك «وتباسى بانكى» ارقىلى جۇزەگە اسىرىلادى.
سونىمەن قاتار جەكە قۇرىلىس سالۋدى ىنتالاندىرۋ ءۇشىن «نۇرلى جەر» باعدارلاماسى اياسىندا ازاماتتارعا جەكە قۇرىلىس سالۋعا بولىنەتىن 40 مىڭ جەر ۋچاسكەسىنە كوممۋنيكاتسيالار تارتىلادى. ەلىمىزدە 6,3 مىڭ اۋىل بولسا, سونىڭ 3,5 مىڭى پەرسپەكتيۆالىق سانالادى. «نۇرلى جەر» باعدارلاماسى اياسىندا ءوز قاراجاتىنا تيپتىك جوبامەن باسپانا تۇرعىزاتىن اۋىلدارداعى جۇمىس بەرۋشىنىڭ شىعىندارىن سۋبسيديالاۋ تەتىگى ازىرلەنەدى. مينيسترلىك ءۇيدىڭ بەلگىلەنگەن قۇنىنىڭ ءبىر بولىگىن سۋبسيديالاۋ تەتىگىن ازىرلەيدى», — دەدى ۆەدومستۆو باسشىسى.
تۇرعىن ءۇي-كوممۋنالدىق شارۋاشىلىق ماسەلەلەرى بويىنشا قابىلدانعان زاڭ اياسىندا م ۇلىك يەلەرىنىڭ بىرلەستىگى ينستيتۋتى ەنگىزىلەدى. بارلىق قاجەتتى نورماتيۆتىك-قۇقىقتىق اكتىلەر قابىلدانعان. قازىرگى ۋاقىتتا تۇرعىن ءۇي يەلەرى م ۇلىك يەلەرىنىڭ بىرلەستىكتەرىن قۇرۋ جانە تىركەۋ بويىنشا ءتيىستى جۇمىستاردى جاساپ جاتىر. قازاقستاننىڭ ترانزيتتىك كوشباسشىلىعىن نىعايتۋ ماقساتىندا «نۇرلى جول» باعدارلاماسى اياسىندا ترانزيتتىك سەرۆيس ساپاسىن جانە جىلدامدىقتى ارتتىرۋ ءۇشىن ەلىمىز ارقىلى وتەتىن تەمىرجول ءترانزيتى ءدالىزىنىڭ ينفراقۇرىلىمىن ءارى قاراي دامىتۋ, سونداي-اق وسال تۇستارىن جويۋ كوزدەلگەن.
«2020 جىلعا دەيىن رەسپۋبليكالىق جەلىدەگى اۆتوجولداردىڭ 13 مىڭ شاقىرىمى قايتا جاڭعىرتىلدى. “نۇرلى جول” باعدارلاماسى اياسىندا 11 مىڭ شاقىرىم جول سالىنادى جانە قايتا جاڭعىرتىلادى. ونىڭ ىشىندە رەسپۋبليكالىق جەلىدەگى 4 مىڭ شاقىرىم جولدا بيىل جۇمىستار جۇرگىزىلىپ جاتىر. وسىلايشا, 2025 جىلعا دەيىن رەسپۋبليكالىق جەلىدەگى اۆتوجولداردىڭ بارلىعىنىڭ جاعدايى جاقسارادى», — دەدى مينيستر.
2025 جىلعا دەيىن ۇزىندىعى 24 مىڭ شاقىرىمدى قۇرايتىن رەسپۋبليكالىق جەلىدەگى اۆتوجولدار بويىنداعى قىزمەت كورسەتەتىن وبەكتىلەر حالىقارالىق ستاندارتتارعا ساي بولادى. بۇل جۇمىس جەرگىلىكتى اتقارۋشى ورگاندارىمەن جانە بيزنەس وكىلدەرىمەن بىرگە جۇرگىزىلەدى.
