قوعام • 02 قىركۇيەك، 2020

وتانعا ادال بولۋعا انت بەردى

6 رەت كورسەتىلدى

30 تامىز مەرزىمدى قىزمەتتەگى اسكەري قىزمەتشىلەر ءۇشىن ماڭىزدى كۇن. قازاقستان رەسپۋبليكاسى كونستيتۋ­تسياسى­نىڭ 25 جىلدىعىندا ولار وتانعا ادال بولۋعا انت بەردى.

ەلىمىزدەگى قارۋلى كۇش­تەر­دىڭ بارلىق اسكەري بولىم­دەرىندە اسكەري انت بەرۋ را­سىمدەرى ءوتتى. 5800-دەن اس­تام مەر­زىمدى اسكەري قىزمەت­شى وتان­عا ادال بولۋعا انت بەردى.

كارانتيندىك شارالار جاع­دايىندا انت بەرۋ راسىم­­دەرى اسكەرگە شا­قىرى­لۋ­شى­ل­ار­دىڭ تۋىس­تارىنىڭ قاتىسۋىن­سىز ۇيىم­داس­تى­رىل­عان. ولار­عا راسىمگە ونلاين رەجىمىندە قاتىسۋ مۇم­كىندىگى بەرىلدى.

ەلىمىزدىڭ ءار وڭىرىنەن كەلگەن جاستار ەكساۋماقتىق پرين­تسيپ بو­­يىنش­ا بولىن­گەن. جاس تولىم­دار قۇر­لىق اسكەرلەرىنىڭ، اۋە قور­­عا­نىسى كۇشتەرى مەن اس­كەري-تەڭىز كۇشتەرىنىڭ اسكەري بولىم­دەرىندە قىزمەت وتكەرەتىن بولادى.

اسكەري انت قابىلدار الدىندا جاس جاۋىنگەردىڭ كۋرسى بولدى. ءبىر اي بويى اس­كەرگە شاقىرىلۋشىلار جالپى­اسكەري جارعىلاردى زەردەلەپ، ساپتىق، اتىس جانە دەنە دايىندىعىن مەڭگەردى.

ناعىز شىدامدىلىق، ەرىك-جىگەر، كۇردەلى شەشىمدەر قابىلداۋ قابىلەتى – بۇگىنگى انت قابىلداعان جاس سارباز­دارعا ءتان قاسيەت بولۋى كەرەك. اسكەر – ەرلىك مەكتەبى جانە ول انت بەرۋدەن باستالادى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار