ساياسات • 02 قىركۇيەك، 2020

التىنشى شاقىرىلعان پارلامەنتتىڭ VI سەسسياسى اشىلدى

8 رەت كورسەتىلدى

پارلامەنت پالاتالارىنىڭ بىرلەسكەن وتىرىسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ VI شا­قى­رىلىمداعى پارلامەنتتىڭ التىنشى سەسسياسىنىڭ اشىلعانىن جاريالادى، دەپ حابارلادى ءماجىلىستىڭ ءباسپاسوز قىزمەتى.

جاڭا سەسسيا رەسمي اشىل­عاننان كەيىن ەلىمىزدىڭ ءانۇرانى ورىندالدى.

پارلامەنتتىك سەسسيانى اش­قان مەملەكەت باسشىسى قاسىم-جومارت توقاەۆ قازاقستان حال­قىنا «جاڭا جاعدايداعى قازاق­ستان: ءىس-قيمىل كەزەڭى» اتتى جول­داۋىن جاريالاپ، ەلىمىزدى ودان ءارى دامىتۋ ستراتەگياسىمەن تانىس­تىردى.

مەملەكەت باسشىسى جولداۋدا مەملەكەتتىك باسقارۋدىڭ تيىم­دى­لىگىن ارتتىرۋ، جاڭا زامان تالاپ­تارىنا سايكەس ەكونوميكالىق دامۋ، ونەركاسىپ الەۋەتىن كۇشەيتۋ، اۋىل شارۋاشىلىعى سالاسىن، كولىك-لوگيستيكا كەشەنىن، شاعىن جا­نە ورتا بيزنەستى، قارجى سەك­تورىن، وڭىرلىك دامۋ جانە قازاق­ستان­دىقتاردىڭ الەۋمەتتىك جاع­دايىن ارتتىرۋ سەكىلدى بىرقاتار باستاما كوتەردى.

سونداي-اق پرەزيدەنت ءبىلىمنىڭ قولجەتىمدى ءارى ساپالى بولۋىن قامتاماسىز ەتۋدىڭ ماڭىزدىلىعى مەن دەنساۋلىق ساقتاۋ سالاسىن دا­مىتۋ جايىندا ايتا كەلىپ، وتبا­سى­لىق-دەموگرافيالىق جاع­دا­يى­نا جانە بالالاردىڭ قۇقىعى مەن قاۋىپسىزدىگىنە الاڭداۋشىلىق ءبىلدىردى.

مەملەكەت باسشىسىنىڭ پىكى­رىن­شە، زاڭ ۇستەمدىگى مەن ازامات­تار­دىڭ قاۋىپسىزدىگىن قامتاماسىز ەتپە­يىنشە الەۋمەتتىك-ەكونومي­كالىق دامۋدىڭ بىردە-ءبىر اسپەك­تىسىن تابىستى جۇزەگە اسىرۋ مۇمكىن ەمەس. الدىمىزدا مەملەكەتتىڭ ازا­ماتتارعا قىزمەت ەتۋىنىڭ جاڭا ستان­دارتتارىن ازىرلەۋ بويىنشا اۋقىمدى جۇمىس بار. بۇل ىستە ماڭىزدى ءرول اتقاراتىن قۇقىق قورعاۋ ورگاندارى مەن سوت جۇيەسىن ۇلكەن رەفورمالار كۇتىپ تۇر.

جولداۋدا ۇلتتىق باسەكە­لەستىككە قول جەتكىزۋدە تسيفرلاندىرۋ ءىسى بارلىق رەفورمالاردىڭ نەگىز­گى تەتىگى مەن باستى قۇرالىنا اينا­لاتىنى ايتىلعان. بۇل تۇر­عىدا ساياسي رەفورمالار مەم­لە­كەتتى باسقارۋعا ازاماتتاردى كوپ­تەپ تارتۋعا باعىتتالۋى كەرەك. جاڭ­عىرتۋدىڭ نەگىزگى ماقساتى – تۇتاس مەملەكەتتىڭ تيىمدىلىگىن ارت­تىرۋ.

– بۇگىن مەن بۇكىل قوعام الدىندا داعدارىس جاعدايىندا اتقارىلاتىن ءىس-شارالاردىڭ جوس­پارىن باياندادىم. ونىڭ جەمىستى جۇزەگە اسۋى ارقايسىسىمىزعا بايلانىستى. بارشامىز ءوز-ءوزىمىزدى دامىتۋعا كۇش سالۋىمىز كەرەك. زامانا سىناعى بىزدەن ۇزدىكسىز قوزعالىستى، مىقتى كۇش-جىگەردى جانە تاباندى ەڭبەكتى تالاپ ەتىپ وتىر. سوندىقتان ەلىمىزدىڭ باقىتتى ءارى جارقىن كەلەشەگى ءار ازاماتتىڭ قاجىرلى قىزمەتىنە بايلانىستى بولماق. ءار بۋىننىڭ ماڭدايىنا ءتۇرلى سىناق جازىلعان. ءبىز ءتول تاريحىمىزدا تاعدىردىڭ ءتۇرلى سىنىنان ءاردايىم سۇرىنبەي وتتىك. ەلىمىز ەڭ كۇردەلى دەگەن مىن­دەتتەردى شەشە الادى. ءبىز بۇعان دايىنبىز، – دەدى مەملەكەت باسشىسى قاسىم-جومارت توقاەۆ.

القالى جيىن سوڭىندا ءما­جىلىس توراعاسى نۇرلان نىع­ما­تۋلين دەپۋتاتتاردىڭ اتىنان مەملەكەت باسشىسىنا پارلامەنت سەسسياسىن اشقانى جانە نەگىزگى مىندەتتەردى ايقىنداپ بەرگەنى ءۇشىن العىس ايتتى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار