سينوپتيكتەردىڭ حابارلاۋىنشا, قىركۇيەك ايىنىڭ ورتاشا اۋا تەمپەراتۋراسى رەسپۋبليكانىڭ باسىم بولىگىندە نورمادان 1°س جوعارى, سولتۇستىك قازاقستان, اقمولا, پاۆلودار وبلىستارىندا, قوستاناي, قاراعاندى, شىعىس قازاقستان, الماتى وبلىستارىنىڭ باسىم بولىگىندە نورما شاماسىندا, شىعىس قازاقستان, الماتى وبلىستارىنىڭ تاۋلى جانە تاۋ بوكتەرىندەگى اۋدانداردا – نورمادان 1°س-قا تومەن بولادى دەپ كۇتىلەدى.
قازاقستان اۋماعىنىڭ باسىم بولىگىندە كوپجىلدىق دەرەكتەر بويىنشا ۇسىك ايدىڭ ءبىرىنشى جارتىسىندا, وڭتۇستىك وبلىستاردا - ايدىڭ سوڭىندا عانا بايقالۋى مۇمكىن. الايدا, كونسۋلتاتيۆتىك بولجامعا سايكەس ۇسىك سولتۇستىك وڭىرلەردە اعىمداعى جىلدىڭ قىركۇيەك ايىنىڭ ەكىنشى ونكۇندىگىندە -5 گرادۋسقا دەيىن, ال وڭتۇستىك وڭىرلەردە - ءۇشىنشى ونكۇندىكتە كۇتىلەدى.
قىركۇيەك ايىندا جاۋىن-شاشىن مولشەرى تامىز ايىمەن سالىستىرعاندا اۋا تەمپەراتۋراسىنىڭ جالپى تومەندەۋى كەزىندە اۋانىڭ ىلعال قۇرامىنىڭ تومەندەۋى ەسەبىنەن ازايادى. جاۋىن-شاشىن از قارقىندى, بىراق ۇزاققا سوزىلادى.
2020 جىلعى قىركۇيەكتە رەسپۋبليكا بويىنشا جاۋىن-شاشىننىڭ تارالۋى بىركەلكى ەمەس سيپاتقا يە: جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا, سولتۇستىك قازاقستان, پاۆلودار, اقمولا, شىعىس قازاقستان وبلىستارىنىڭ باسىم بولىگىندە, قوستاناي وبلىسىنىڭ سولتۇستىگىندە, الماتى وبلىسىنىڭ وڭتۇستىك-شىعىسىندا, جامبىل, تۇركىستان وبلىستارىنىڭ تاۋلى جانە تاۋ بوكتەرىندەگى اۋدانداردا نورمادان كوپ, ماڭعىستاۋ, اقتوبە, قىزىلوردا وبلىستارىندا, قاراعاندى وبلىسىنىڭ باتىسىندا نورمادان از بولادى دەپ كۇتىلەدى.
كۇزدىڭ باسىندا قازاقستان اۋماعىندا جازعى ىستىق اۋا رايى ساقتالادى. 3-6 قىركۇيەكتە بەلسەندى تسيكلوننىڭ ىقپالىمەن رەسپۋبليكانىڭ باسىم بولىگىندە اۋا ماسسالارىنىڭ اۋىسۋى, جەلدىڭ 15-25 م/س دەيىن كۇشەيۋى, جاڭبىر كۇتىلەدى, رەسپۋبليكانىڭ شىعىسى مەن وڭتۇستىك-شىعىسىندا كەي جەرلەردە كۇشتى جاڭبىر جاۋى مۇمكىن. اۋا تەمپەراتۋراسىنىڭ تومەندەۋى ءبىرىنشى ونكۇندىكتىڭ ورتاسىندا كۇتىلەدى:
قر باتىسىندا تۇندە +15+20°س-تان +7+15°س-قا دەيىن, كۇندىز +27+38°س-تان +20+27°س-قا دەيىن;
ەلىمىزدىڭ سولتۇستىك-باتىسىندا تۇندە +12+17°س-تان +2+10°س-قا دەيىن, كۇندىز +28+35°س-تان +14+25°س-قا دەيىن.
رەسپۋبليكانىڭ سولتۇستىگى مەن ورتالىعىندا تۇندە +10+18°س-تان +2+10°س-قا دەيىن, كۇندىز +25+30°س-تان +10+20°س-قا دەيىن.
ونكۇندىكتىڭ ەكىنشى جارتىسىندا اۋا تەمپەراتۋراسىنىڭ تومەندەۋى قر-نىڭ وڭتۇستىگىندە, وڭتۇستىك-شىعىسىندا, تۇندە +13+22°س-تان +7+15°س-قا دەيىن, كۇندىز +30+36°س-تان +21+28°س-قا دەيىن بولجانادى.
ونكۇندىكتىڭ سوڭىندا اۋا تەمپەراتۋراسىنىڭ تومەندەۋى قازاقستاننىڭ شىعىسىن اينالىپ وتپەيدى, تەمپەراتۋرالىق فوننىڭ تۇنگى ۋاقىتتا +10+18°س-تان +2+10°س-قا دەيىن, كۇندىز +27+32°س-تان +15+25°س-قا دەيىن بىرتىندەپ تومەندەۋى كۇتىلۋدە.
ءبىرىنشى ونكۇندىكتىڭ سوڭىندا قر-نىڭ باسىم بولىگىندە قايتادان جىلىنادى.
قىركۇيەكتىڭ ەكىنشى جانە ءۇشىنشى ونكۇندىگىندە قازاقستاننىڭ سولتۇستىگىندە, ورتالىعىندا جانە شىعىسىندا تەمپەراتۋرالىق رەجيمنىڭ اۋىتقۋى بولجانادى: تۇندە +5+13°س-تان -5+5°س-قا دەيىن, كۇندىز +20+28°س-تان +15+20°س-قا دەيىن;
قر وڭتۇستىگى مەن باتىسىندا تۇندە +5+15°س-تان 0,+5°س-قا دەيىن, كۇندىز +25+35°س-تان +10+20°س-قا دەيىن.
ەسكەرتۋ: ءبىر ايعا ارنالعان كونسۋلتاتيۆتىك بولجام سينوپتيكالىق جاعدايدىڭ وزگەرۋىنە قاراي تۇزەتىلۋى مۇمكىن جانە ونكۇندىك بولجامدارمەن ناقتىلاناتىن بولادى.
