1 تامىزدا تالدىقورعان قالاسى پب شىعىس بولىمشەسىنە وبلىس ورتالىعىنىڭ 48 جاستاعى تۇرعىنى حابىرلاسىپ, 18 شىلدە كۇنى 15 جاستاعى ۇلىنىڭ ۇيىنەن بەلگىسىز باعىتتا كەتىپ, قايتا ورالماعانىنا ارىزدانعان. قابىلدانعان شارالاردىڭ ناتيجەسىندە 27 تامىز كۇنى ءتارتىپ ساقشىلارى ىزدەۋ جاريالانعان ءجاسوسپىرىمدى تاۋىپ, اناسىنا تابىستادى.
اتا-اناسىنىڭ تاراپىنان سىن ايتىلعان سوڭ, ولارعا ءوز تاۋەلسىزدىگىن دالەلدەۋ ماقساتىندا جەتكىنشەكتىڭ ۇيدەن كەتكەنى بەلگىلى بولدى. تالدىقورعان قالاسى پوليتسەيلەرىنىڭ كۇش-جىگەرىنىڭ ارقاسىندا جوعالعان بالانىڭ مەكەنجايى انىقتالدى. ءجاسوسپىرىمنىڭ اناسى ۇلىن امان-ەسەن تاۋىپ بەرگەن پوليتسيا قىزمەتكەرلەرىنە شىن جۇرەكتەن العىس ايتتى.
ءجاسوسپىرىمنىڭ ايتۋىنشا, وسى ۋاقىت ىشىندە ول جالدامالى پاتەرلەردە جانە دوستارى مەن تانىستارىنىڭ ۇيىندە تۇرىپ, كەزدەيسوق تابىس تابۋمەن ءومىر سۇرگەن. وسىعان وراي كامەلەتكە تولماعان بالا قاڭعىباستىققا بەيىم ادام رەتىندە ەسەپكە الىندى, ال اناسىنا ءتيىستى ەسكەرتۋ جاساۋ تۋرالى شەشىم شىعارىلدى.
