پاۆلودار وبلىستىق تجد ءباسپاسوز قىزمەتىنىڭ مالىمەتىنشە, ەر ادامنىڭ سۋعا كەتكەنى تۋرالى حابارلاما 31 تامىز كۇنى ساعات 15:15-تە حابارلاما كەلىپ تۇستكەن.
كۋاگەرلەردىڭ ايتۋىنشا, ول 1981 جىلى دۇنيەگە كەلگەن. ءسويتىپ ەر ادام ق.ساتباەۆ اتىنداعى كانالدا سۋعا باتىپ كەتكەن.
– سۋعا شومىلۋ كەزەڭىندە وبلىس اۋماعىندا 15 ادام سۋعا كەتتى, ولاردىڭ ۇشەۋى – ءجاسوسپىرىم بالالار. كارانتيندىك شەكتەۋلەردىڭ السىرەۋىنە جانە تۋريستىك ماۋسىمنىڭ اشىلۋىنا بايلانىستى باياناۋىل اۋدانىندا جاسىباي تۋريستىك ايماعىنىڭ اۋماعىنا ءورت ءسوندىرۋ جانە اۆاريالىق – قۇتقارۋ جۇمىستارى قىزمەتى جەدەل-قۇتقارۋ جاساعىنىڭ 6 قۇتقارۋشىسى ىسساپارعا جىبەرىلدى. ۇرلەمەلى قايىق, الپينيستىك جانە سۇڭگۋىرلىك قۇرال-جابدىقتارمەن قارۋلانعان قۇتقارۋشىلار 15-31 تامىز ارالىعىندا تۋريستىك ايماقتا كەزەكشىلىك ەتتى. ولار كۇن سايىن قوعامدىق قۇتقارۋشىلارمەن بىرگە جاسىباي كولىندە رەيدتىك ءىس-شارالار وتكىزدى, – دەيدى دەپارتامەنت وكىلدەرى.
پاۆلودار وبلىسىنىڭ توتەنشە جاعدايلار دەپارتامەنتى ءوڭىر تۇرعىندارى مەن قوناقتارىنا شومىلۋ ماۋسىمى ءبىرىنشى قىركۇيەكتە اياقتالاتىنىن ەسكە سالادى.
– قر اكىمشىلىك قۇقىق بۇزۋشىلىقتار تۋرالى كودەكسىنىڭ 364-بابىن بۇزعانى ءۇشىن, ياعني, جابدىقتالماعان جانە تىيىم سالىنعان جەرلەردە شومىلعان 323 ادام جاۋاپكەرشىلىككە تارتىلدى. قوعامدىق ورىنداردا الكوگولدىك ىشىمدىك ىشكەنى ءۇشىن قىرىق توعىز ادامعا ايىپپۇل سالىندى, – دەدى پوليتسيا باسشىلىعى.
