ء"بىلىم سالاسىنداعى باستى ماسەلەنىڭ ءبىرى – ۇستازدار جالاقىسىنىڭ ازدىعى. مەن 2021 جىلدىڭ قاڭتار ايىنان باستاپ مۇعالىمدەردىڭ ەڭبەكاقىسىن 25 پايىزعا كوتەرۋ جونىندە شەشىم قابىلدادىم. جالاقى مولشەرى الداعى ۋاقىتتا دا ارتا بەرەدى. بۇل ماقساتقا الداعى ءۇش جىلدا قوسىمشا 1,2 تريلليون تەڭگە بولىنەدى", دەدى ق.توقاەۆ.
سونداي-اق پرەزيدەنت قاشىقتان ءبىلىم بەرۋ جۇيەسىن جەتىلدىرۋدى تاپسىردى.
"كوروناۆيرۋس ىندەتىنىڭ سالدارىنان دۇنيەجۇزىندەگى مەكتەپ وقۋشىلارى مەن ستۋدەنتتەردىڭ باسىم كوپشىلىگى قاشىقتان وقۋعا كوشتى. بۇل جۇمىستىڭ ءتاسىلى مەن مازمۇنىن تۇبەگەيلى وزگەرتۋدە. قاشىقتان وقىتۋ ءىسىن ۇيىمداستىرۋدا ۇكىمەتتىڭ قاتەلىكتەرىن جاقسى بىلەمىز. اشىعىن ايتقاندا, ءالى كۇنگە دەيىن ناقتى ءبىر ونلاين پلاتفورما جوق. مۇعالىمدەر, وقۋشىلار جانە اتا-انالار كۇندىز-ءتۇنى ۋاتساپتان باس كوتەرمەيتىن بولدى. تولىققاندى وقۋ ۇدەرىسى ءۇشىن قاجەتتى بارلىق فۋنكتسيالارى بار بىرىڭعاي ونلاين بەرۋ پلاتفورماسىن شۇعىل ازىرلەۋ قاجەت. دەگەنمەن, ساپالى ءبىلىم الۋ ءۇشىن ادەتتەگىدەي ساباققا قاتىسىپ, مۇعالىمدەرمەن جانە سىنىپتاستارمەن ارالاسۋدى ورنى بولەك. سوندىقتان سانيتارلىق تالاپتاردى ساقتاي وتىرىپ, ءبىلىم الۋدىڭ قالىپتاسقان ءداستۇرلى تاسىلىنە ازىرلەنگەن ءجون. بۇل اسىرەسە, مەكتەپ ءۇشىن ماڭىزدى. كۇندەلىكتى ماسەلەلەردى شەشۋمەن قاتار بالالاردىڭ بارىنە بىردەي مۇمكىندىك تۋعىزۋ ءۇشىن جۇيەلى شارالار قابىلداۋ قاجەت. بالالارىمىز قاي جەردە تۇرسا دا, قانداي تىلدە وقىسا دا, ساپالى ءبىلىم الۋ قاجەت", دەدى پرەزيدەنت.
