"بۇل ماسەلەنى شەشۋ ءۇشىن ۇكىمەتكە ۇلتتىق بانكپەن بىرگە جىل سوڭىنا دەيىن بارلىق قۇقىقتىق نورماتيۆتىك اكتىنى قابىلداپ, دايىندىق جۇمىسىن جۇرگىزۋدى تاپسىرامىن. اتالعان رەفورما ازاماتتاردى زەينەتاقى جۇيەسىنە اتسالىسۋعا ىنتالاندىرۋعا ۇلەس قوسپاق. بيىلدان باستاپ "5-10-20" باعدارلاماسى ىسكە قوسىلدى. وعان 390 ملرد تەڭگە ءبولىندى.
باسپانا الۋ ءۇشىن كەزەكتە تۇرعان ازاماتتاردىڭ ماسەلەسى دە نازاردان تىس قالماۋى كەرەك. بۇگىندە اكىمدىكتەر بۇل ماسەلەنى وزدەرى شەشىپ جاتىر. ونىڭ ۋاقىتتى تالاپ ەتەرى ءسوزسىز. جۇيەگە وزگەرىس كەرەك. بولىنگەن قارجى تەك قۇرىلىسقا ەمەس, جالعا الۋ تولەمىن سۋبسيديالاۋعا دا باعىتتالۋى كەرەك. رەفورما ناتيجەسىندە, العاشقى جىلى 100 مىڭ وتباسى كومەك الادى. بۇل «تۇرعىن ءۇي قۇرىلىس جيناق بانكى" نەگىزىندە قۇرىلاتىن "وتباسى" بانكىنە مىندەتتەلدى. بانك باسشىلىعى تاپسىرمانىڭ ورىندالۋىنا جاۋاپتى", دەدى ق.توقاەۆ.
