ساياسات • 31 تامىز، 2020

دەپۋتاتتارعا كۋالىكتەر مەن توسبەلگىلەر تاپسىرىلدى

30 رەت كورسەتىلدى

وتكەن جۇمادا، ياعني 28 تامىزدا 2020 جىلعى 12 تامىزداعى سايلاۋدا سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ ماسەلەسى بويىنشا ورتالىق سايلاۋ كوميسسياسىنىڭ (وسك) وتىرىسى ءوتتى.

وتىرىسقا پارلامەنت سەنا­تى­نىڭ سايلانعان دەپۋتاتتارى، Cەناتورلار كەڭەسىنىڭ مۇشەسى قۋا­نىش ايتاحانوۆ، ونلاين رەجىمدە وبلىستاردىڭ، نۇر-سۇلتان، الماتى جانە شىمكەنت قالالارىنىڭ اۋ­ماق­تىق سايلاۋ كوميسسيالارى، سونداي-اق بۇقارالىق اقپارات قۇرالدارىنىڭ وكىلدەرى قاتىستى.

وتىرىستى اشقان ورتالىق سايلاۋ كوميسسياسىنىڭ توراعاسى بەرىك يماشەۆ پارلامەنت سەناتىنىڭ دەپۋتاتتارىن سايلاۋ جونىندەگى ناۋقاننىڭ سوڭعى وتىرىسى كونس­تي­تۋتسيانىڭ 25 جىلدىعى – تاۋەلسىز قازاق­ستاننىڭ نەگىزگى زاڭى قارسا­ڭىندا ءوتىپ جاتقانىن اتاپ ءوتتى.

ورتسايلاۋكوم مۇشەسى سەرىك سى­دىقوۆ «2020 جىلعى 12 تامىزداعى ساي­لاۋدا سايلانعان قازاقستان رەس­پۋب­­ليكاسى پارلامەنتى سەناتى­نىڭ دەپۋتاتتارىن تىركەۋ تۋرالى» بايان­داما جاسادى. ول «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا ساي­كەس ور­تالىق سايلاۋ كوميسسياسى كونس­تي­تۋتسيالىق زاڭدا بەلگىلەنگەن تار­تىپپەن پارلامەنتتىڭ سايلانعان دە­پۋتاتتارىن تىركەۋدى جۇرگىزەتىنىن حابارلادى. وسك ءاربىر دەپۋتاتقا بەل­گىلەنگەن ۇلگىدەگى كۋالىك پەن ومى­راۋعا تاعاتىن بەلگىنى تاپسىرادى.

وسىعان بايلانىستى «2020 جىلعى 12 تامىزداعى سايلاۋدا سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ تۋرالى» قاۋلى قابىلداندى. قاۋلى قابىلدانعاننان كەيىن ورتالىق سايلاۋ كوميسسياسىنىڭ توراعاسى بەرىك يماشەۆ تىركەلگەن دەپۋتاتتارعا كۋا­لىكتەر مەن توسبەلگىلەردى تابىس ەتتى.

«قازاقستان رەسپۋبليكاسىنىڭ پارلامەنتى جانە ونىڭ دەپۋ­تات­تارىنىڭ مارتەبەسى تۋرالى» قازاقستان رەسپۋبليكاسى كونس­تي­تۋتسيالىق زاڭىنىڭ 24-بابىنىڭ 1-تارماعىنا سايكەس پارلامەنت دەپۋتاتىنىڭ وكىلەتتىگى ونى ورتالىق سايلاۋ كوميسسياسى پارلامەنت دەپۋتاتى رەتىندە تىركەگەن كەزدەن باستالادى.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار