سوعدى وبلىسىنىڭ توراعاسى رادجاببوي احمادزودامەن, وبلىس توراعاسىنىڭ ورىنباسارى انۆار ياكۋبيمەن جانە حودجەنت قالاسىنىڭ مەرى مارۋف مۋحاممادزودامەن كەزدەسۋ بارىسىندا قازاقستان وڭىرلەرىنىڭ ەل ەكونوميكاسىنىڭ باستى قوزعاۋشى كۇشى بولىپ تابىلاتىن سوعدى وبلىسىمەن ىنتىماقتاستىعىنىڭ جاي-كۇيى مەن كەلەشەگى تالقىلاندى.
گۇلستون قالاسىن ارالاۋ بارىسىندا ەلشى "باحوريستون" كوپفۋنكتسيونالدى ساۋىقتىرۋ كەشەنىمەن تانىستى.
يستاراۆشان قالاسىندا ا.تاجىباەۆ قالا مەرى امير كۋربانزودامەن قازاقستاندىق كومپانيالاردىڭ تاجىك كاسىپكەرلەرىمەن ىنتىماقتاستىعىنىڭ ىقتيمال باعىتتارىن تالقىلادى, سونداي-اق قازاقستاندىق ينۆەستورلاردىڭ قاتىسۋىمەن قۇرىلعان "وبي زۋلول" سۋسىندار وندىرەتىن كاسىپورىننىڭ قىزمەتىمەن تانىستى.
قازاقستاندىق ديپلومات ساپارىنىڭ سوڭىندا ەكونوميكانىڭ ءتۇرلى سالالارىندا بىرلەسكەن ينۆەستيتسيالىق جوبالاردى ىسكە اسىرۋ ءۇشىن دامىعان ونەركاسىپتىك جانە كوممۋنيكاتسيالىق ينفراقۇرىلىمى بار "سۋگد" ەركىن ەكونوميكالىق ايماعىنىڭ قىزمەتىمەن تانىسۋ بولدى.
