"الماتى" ۋنيۆەرسيتەتى, "قاينار" اكادەمياسى, الماتى ەكونوميكا جانە ستاتيستيكا اكادەمياسى, قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى, ا.قۋاتبەكوۆ اتىنداعى حالىقتار دوستىعى ۋنيۆەرسيتەتى جانە "Silkway" حالىقارالىق ۋنيۆەرسيتەتىن قايتا تەكسەرۋ قورىتىندىسى بويىنشا ءبىلىم بەرۋ سالاسىنداعى زاڭناما نورمالارىنىڭ بۇزىلۋى قايتا انىقتالدى.
وسىعان بايلانىستى قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى "الماتى" ۋنيۆەرسيتەتى, الماتى ەكونوميكا جانە ستاتيستيكا اكادەمياسى, قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى, ا.قۋاتبەكوۆ اتىنداعى حالىقتار دوستىعى ۋنيۆەرسيتەتى انىقتالعان بۇزۋشىلىقتار جويىلعانعا دەيىن ليتسەنزياسىنىڭ كۇشىن توقتاتتى.
"قاينار" اكادەمياسى مەن "Silkway" حالىقارالىق ۋنيۆەرسيتەتىن تەكسەرۋ قورىتىندىلارى تەكسەرۋ ناتيجەلەرىنە شاعىمدانۋىنا بايلانىستى سوتتا قارالۋدا. سوت پروتسەستەرى اياقتالعاننان كەيىن ءتيىستى شارالار قابىلداناتىن بولادى.
سونىمەن قاتار م.ح. دۋلاتي اتىنداعى تاراز وڭىرلىك ۋنيۆەرسيتەتىندە "قۇقىق" دايارلاۋ باعىتى بويىنشا (باكالاۆريات) ليتسەنزياعا قوسىمشانىڭ قولدانىلۋى توقتاتىلدى.
