مەديتسينا • 28 تامىز، 2020

الەكسەي تسوي مەديتسينا قىزمەتكەرلەرىن ماراپاتتادى

40 رەت كورسەتىلدى

قر دەنساۋلىق ساقتاۋ مينيسترلىگىندە قر كونستيتۋتسياسىنىڭ 25 جىلدىعىنا وراي سالتاناتتى جيىن ءوتتى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

ماراپاتتاۋ راسىمىندە دەنساۋلىق ساقتاۋ ءمينيسترى الەكسەي تسوي ەلىمىزدىڭ كونستيتۋتسيالىق دامۋىنىڭ بىرەگەي تۇجىرىمداماسىن قالىپتاستىرۋدا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ەڭبەگى زور ەكەنددىگىن اتىپ ءوتتى. ەلىمىزدىڭ باستى زاڭى ەلباسىنىڭ ينستيتۋتسيونالدىق رەفورمالارى مەن ساياسي باستامالارىن قامتيدى.

"كونستيتۋتسيامىزدا ادام، ونىڭ ءومىرى، قۇقىعى مەن بوستاندىقتارى سىندى ەڭ جوعارى قۇندىلىقتار بەكىتىلگەن جانە ازاماتتاردىڭ مۇددەسىنە قىزمەت ەتەدى. ەلىمىزدىڭ نەگىزگى زاڭى حالىقتىڭ دەنساۋلىق ساقتاۋ سىندى باستى قۇقىعىن قورعايدى. باستى قۇقىقتىق قۇجاتتىڭ 29-بابىندا ازاماتتاردىڭ تەگىن كەپىلدەندىرىلگەن مەديتسينالىق كومەك الۋ قۇقىعى بەكىتىلگەن"، دەدى ا. تسوي.

مەرەكەلىك كۇنگە وراي ەلىمىزدىڭ پرەزيدەنتى قاسىم-جومارت توقاەۆ 150 مەديتسينا قىزمەتكەرىن، دەنساۋلىق ساقتاۋ مينيسترلىگىنىڭ قىزمەتكەرلەرىن جانە وڭىرلەردەگى دەنساۋلىق ساقتاۋ جۇيەسى وكىلدەرىن كونستيتۋتسيانىڭ 25 جىلدىعىنا ارنالعان مەرەكەلىك مەدالمەن ماراپاتتاۋ تۋرالى جارلىققا قول قويدى.

مەرەكەلىك مەدال "دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى" باس ديرەكتورى-باسقارما توراعاسى ەرىك بايجۇنىسوۆكە، مىندەتتى الەۋمەتتىك مەديتسينالىق ساقتاندىرۋدى ۇيلەستىرۋ دەپارتامەنتىنىڭ ديرەكتورى گۇلجان شايحىبەكوۆاعا، ALMAU دەنساۋلىق ساقتاۋ مەنەدجەرلەرىن دايارلاۋ بويىنشا وقىتۋشى تاتيانا يسسىككە، ءدارى-دارمەكپەن قامتاماسىز ەتۋ جانە ستاندارتتاۋ دەپارتامەنتىنىڭ ديرەكتورى الەكساندر كوستيۋككە، قوعامدىق دەنساۋلىق ساقتاۋ ساياساتى دەپارتامەنتى قوعامدىق دەنساۋلىق ساقتاۋ باسقارماسىنىڭ باسشىسى گۇلنار قۇسبەكوۆا، مەديتسينالىق-الەۋمەتتىك كومەك دەپارتامەنتى الەۋمەتتىك ماڭىزى بار اۋرۋلار كەزىندە مەديتسينالىق كومەك باسقارماسىنىڭ باسشىسى گۇلنار ماقسۇتوۆا، قوعامدىق دەنساۋلىق ساقتاۋ ساياساتى دەپارتامەنتى قوعامدىق دەنساۋلىق ساقتاۋ باسقارماسىنىڭ باس ساراپشىسى رابيعا ميلىباەۆا، مەديتسينالىق-الەۋمەتتىك كومەك دەپارتامەنتى مەديتسينالىق وڭالتۋ باسقارماسىنىڭ باس ساراپشىسى گۇلزيرا تاجىباەۆا جانە دەنساۋلىق ساقتاۋ مينيسترلىگى مەن ۆەدومستۆوعا قاراستى ۇيىمدارداعى بىرقاتار ماماندارعا تابىستالدى.

سالتاناتتى جيىنعا مەرەكەلىك مەدالعا يە بولعان قىزمەتكەرلەردىڭ تورتەۋى عانا قاتىستى، قالعاندارى Webex بويىنشا قاشىقتان ماراپاتتالدى.



سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار