"مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى بەكتاس ءابدىحان ۇلى بەكنازاروۆتىڭ وكىلەتتىگى توقتاتىلدى", - دەلىنگەن حابارلامادا.
بەكتاس بەكنازاروۆ 1956 جىلى 12 قىركۇيەكتە تۋعان. س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. زاڭ عىلىمىنىڭ كانديداتى. كانديداتتىق ديسسەرتاتسياسىن 2004 جىلى رەسەي فەدەراتسياسىندا سانكت-پەتەربۋرگ مەملەكەتتىك ۋنيۆەرسيتەتىندە قورعاعان.
1978-1983 جىلدارى - جامبىل قالاسى ورتالىق اۋداندىق سوتىندا سوت ورىنداۋشى, جامبىل وبلىستىق اتقارۋ كوميتەتى ادىلەت ءبولىمىنىڭ كونسۋلتانتى, اعا كونسۋلتانتى.
1984-1990 جىلدارى - جامبىل وبلىسى جۋالى اۋداندىق حالىق سوتىنىڭ سۋدياسى.
1990-1996 جىلدارى - جامبىل وبلىستىق سوتىنىڭ مۇشەسى, قىلمىستىق ىستەر جونىندەگى سوت القاسىنىڭ توراعاسى.
1997 جىلى - جەزقازعان وبلىستىق سوتىنىڭ توراعاسى.
1997 – 1999 جىلدارى - الماتى وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى.
2000 جىلى - قازاقستان رەسپۋبليكاسى ادىلەت مينيسترلىگىنىڭ سوتتاردىڭ قىزمەتىن ۇيىمداستىرۋ دەپارتامەنتىنىڭ ديرەكتورى.
2000 – 2002 جىلدارى - قازاقستان رەسپۋبليكاسى جوعارعى سوتىنىڭ سۋدياسى.
2002 – 2006 جىلدارى - اتىراۋ وبلىستىق سوتىنىڭ توراعاسى.
2006 – 2009 جىلدارى - الماتى قالاسىنداعى مامانداندىرىلعان قارجىلىق سوتىنىڭ توراعاسى.
2009-2011 جىلدارى - اقتوبە وبلىستىق سوتىنىڭ توراعاسى.
2011- 2013 جىلدارى - قازاقستان رەسپۋبليكاسى جوعارعى سوتىنىڭ توراعاسى.
2013 – 2014 جىلدارى - قازاقستان رەسپۋبليكاسى جوعارى سوت كەڭەسىنىڭ توراعاسى.
2014 جىلى 11 تامىزدان - قازاقستان رەسپۋبليكاسى پارلامەنتى سەناتىنىڭ دەپۋتاتى. قازاقستان رەسپۋبليكاسى پرەزيدەنتىنىڭ جارلىعىمەن تاعايىندالعان.
2016 جىلعى 16 قىركۇيەكتەن بەرى – قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى.
III دارەجەلى «بارىس», «پاراسات» وردەندەرىمەن جانە بىرنەشە مەدالدارمەن ماراپاتتالعان. «قۇرمەتتى سۋديا», «قازاقستان رەسپۋبليكاسىنىڭ قۇرمەتتى زاڭگەرى» اتاعى بەرىلگەن.ء «ۇش بي» بەلگىسىنىڭ يەگەرى. حالىقارالىق زاڭگەرلەر وداعى توراعاسىنىڭ ورىنباسارى.
