ايماقتار • 28 تامىز، 2020

"لەنينسكي – ەرتىس – رۋسسكايا پوليانا" اۆتوجولى بەلگىلەنگەن مەرزىمنەن بۇرىن جوندەلدى

8 رەت كورسەتىلدى

قازاقستاندا رەسپۋبليكالىق ماڭىزعا يە اۆتوموبيل جولدارىن ورتاشا جوندەۋ جۇمىستارى جالعاسۋدا، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ. 

وسىلايشا ماماندار "لەنينسكي – ەرتىس – رۋسسكايا پوليانا" تاسجولىنىڭ پاۆلودار وبلىسىنىڭ اقتوعاي جانە ەرتىس اۋداندارىنداعى 98-104، 129-144، 151-156، 216-226 شاقىرىمدارىندا جوندەۋ جۇمىستارىن اياقتادى. 

جوبانىڭ باس مەردىگەرى –  "گوردورستروي" ءوسف جشس. جول كيىمى جوعارعى قاباتىنىڭ نەگىزگى ەكسپلۋاتاتسيالىق قاسيەتتەرىن قالپىنا كەلتىرۋ ءۇشىن ماماندار قيىرشىق تاس پەن ماستيكادان جاسالعان اسفالت-بەتوننان قورعانىس قاباتىن توسەدى.

بۇدان بولەك، جول ۋچاسكەلەرىندە جول جيەگىن بەكەمدەۋ، دەمالىس الاڭدارىن، اجەتحانالاردى جايلاستىرۋ، اۆتوپاۆيلوندار مەن ەلدى مەكەندەرگە كىرۋ جولدارىنىڭ اۋماعىن جوندەۋ، جولداردىڭ قوزعالىس بولىگىن تاڭبالاۋ سياقتى جۇمىستار جۇرگىزىلدى.

سونىمەن قاتار، جول قوزعالىسىنىڭ قاۋىپسىزدىگىن قامتاماسىز ەتۋ ماقساتىندا جولشىلار جالپى ۇزىندىعى 3،6 شاقىرىمدى قۇرايتىن جولدى جارىقتاندىرۋ جۇمىستارىن ورىنداپ، جارىقديودتى بەلگىلەردى ورناتتى.

جۇمىستار بەلگىلەنگەن مەرزىمنەن بۇرىن اياقتالىپ، قوزعالىس جولدىڭ تولىق بويىندا قامتاماسىز ەتىلدى.

سوڭعى جاڭالىقتار

ۇقساس جاڭالىقتار